RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-09-25 22:24:39ՌԴ «Կապուստին Յար» զորավարժարանում ավարտվեց «Կովկաս-2020» զորավարժությունների հիմնական փուլը
2020-09-25 21:44:02Պատժել ցանկացած լկտի դրսևորում թշնամու կողմից… (տեսանյութ)
2020-09-25 20:53:27Բաքուն Արցախի ժողովրդին չի կարող շեղել ընտրած ճանապարհից. ԱՀ նախագահ Հարությունյան
2020-09-25 20:00:50«Շատ արագ են կատարում». Ծառուկյանի կալանավորման հարցի վերաբերյալ որոշումը կհրապարակվի այսօր
2020-09-25 19:59:59ՍԴ փոխնախագահի ընտրությունը հետաձգվել է մինչև երկուշաբթի
#046, 2019-12-06 > #047, 2019-12-13 > #048, 2019-12-20 > #049, 2019-12-27

«ԱԶԳ» ՕՐԱԹԵՐԹ #48, 20-12-2019



Տեղադրվել է` 2019-12-21 14:56:06 (GMT +04:00)


Ընթերցված է` 1399, Տպվել է` 147, Ուղարկվել է էլ.փոստով` 0

ԱՍԱԴԸ ՀԱՅՏԱՐԱՐԵԼ Է ՍԻՐԻԱՅՈՒՄ ՀԱԶԱՐԱՎՈՐ ԶԻՆԾԱՌԱՅՈՂՆԵՐԻ ՆԵՐԿԱՅՈՒԹՅԱՆ ՄԱՍԻՆ

ԱՐԵՎԻԿ ՔԵՇԻՇՅԱՆ

Սիրիայում կան մի քանի հազար ամերիկացի զինվորականներ, այլ ոչ թե մի քանի հարյուր, ինչպես դա պնդում են Սպիտակ տունը եւ նախագահ Դոնալդ Թրամփը: Այդ մասին Սիրիայի նախագահ Բաշար Ասադը հայտարարել է Phoenix հեռուստաալիքին: Նրա խոսքերով, այդ թվակազմի մեջ մտնում են մասնավոր ռազմական ընկերությունների աշխատակիցները: Ամերիկյան վարչակարգը իր պատերազմներում զգալի չափով հենվում է մասնավոր ռազմական ընկերությունների վրա, ինչպիսիք են Blackwater-ը Իրաքում եւ այլն: Նույնիսկ եթե Սիրիայում ամերիկացի զինծառայողների թիվը մի քանի հարյուր է, նրանցից բացի երկրում պատերազմում են նման ընկերությունների հազարավոր, գուցեեւ տասնյակ հազարավոր անդամներ, Ասադի խոսքերը մեջբերում է SANA գործակալությունը: Ըստ որում, Ասադը ամերիկացի մեծաթիվ զինծառայողների ներկայության համար չի մեղադրում անձամբ նախագահ Թրամփին: Նրա խոսքերով, Միացյալ Նահանգներում քաղաքական համակարգը լոբբիստների ազդեցության տակ է: Դա մասնավորապես վերաբերում է Դամասկոսի նկատմամբ վարվող քաղաքականությանը, ընդգծել է Ասադը:

Նա որպես երկրում ամերիկացիների ներկայության դեմ ուղղված միջոց նշել է հակաահաբեկչական պայքարը: Նա ավելացրել է, որ ԱՄՆ-ին հավատարիմ ընդդիմադիր խմբերին կարելի է մասնակից դարձնել այդ պայքարին: Դրա արդյունքը կդառնա ամերիկյան ուժերի հեռացումը Սիրիայից:

Ավելի վաղ Պենտագոնի ղեկավար Մարկ Էսպերը հայտարարել էր, որ Սիրիայում կմնան մոտ 600 ամերիկացի զինծառայողներ: Վաշինգտոնում, այնուամենայնիվ, քանիցս ընդգծել էին, որ զինծառայողներ կթողնեն նավթի հանքավայրերի պաշտպանության համար: Էսպերի խոսքերով, նավթային եկամուտները կպատկանեն Սիրիայի դեմոկրատական ուժերին:

Ռուսաստանի հետախուզության տվյալներով, սիրիական նավթի մաքսանենգ առեւտրից ստացվող եկամուտները իրականում փոխանցվում են ամերիկյան մասնավոր ռազմական ընկերությունների եւ հետախուզական ծառայությունների հաշիվներին: Նկատի ունենալով, որ սիրիական մաքսանենգ նավթի մեկ բարելի արժեքը 38 դոլար է, ամերիկյան այդ «մասնավոր բիզնեսի» ամենամսյա հասույթը կազմում է ավելի քան 30 մլն դոլար:

 
 

«ԱԶԳ» ՕՐԱԹԵՐԹ #48, 20-12-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ