RSS | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#028, 2019-07-19 > #029, 2019-07-26 > #030, 2019-08-02 > #031, 2019-08-23

«ԱԶԳ» ՕՐԱԹԵՐԹ #30, 02-08-2019



Տեղադրվել է` 2019-08-01 22:32:12 (GMT +04:00)


Ընթերցված է` 3940, Տպվել է` 579, Ուղարկվել է էլ.փոստով` 0

ՄԱՀՙ ՄՏԱՒՈՐԱԿԱՆ ԵՒ ԱԶԳԱՅԻՆ ԳՈՐԾԻՉ ՌՈԺԷ-ԿԱՐՊԻՍ ՋՐԲԱՇՅԱՆԻ

Խոր ցաւով տեղեկացանք, թէ ֆրանսահայ համայնքի ծանօթ եւ պատմական դէմքերէն, ազգային գործիչ ու բարերար Ռոժէ Կարպիս Ջրբաշեանը 17 յուլիսին Փարիզի մէջ իր մահկանացուն կնքած է 94 տարեկանին:

Ծնած էր 1925-ին, վանեցի ընտանիքի յարկին տակ: Ան միշտ վառ պահած է այդ արմատները, չըսե լու համար` անոնցմով ապրած է: Թունդ հայրենասէր, միշտ օժանդակած է ֆրանսահայութեան եւ Հայաստանին:

Կարպիս Ջրբաշեան ամէնէն հին անդամն էր Հայաստանեայց եկեղեցւոյ Փարիզի Կրօնական ընկերակցութեան, ուր երկար տարիներ ստանձնած է զանազան պաշտօններ: Ան հանդիսացած է նաեւ եկեղեցւոյ Պատգամաւորական ժողովի առաջին նախագահը: Ինք էր նուիրատուն Խանաթեանի ստեղծագործ երափեղկ որմնային քանդակին (Աւարայր, Մեսրոպ Մաշտոց եւ Հայոց Ցեղասպանութիւն), որ զետեղուած է Փարիզի եկեղեցւոյ պատին: Տոքթ. Սերժ Սիմոնեանի հետ` նոյնպէս ինք էր, որ նախաձեռնողը եղած էր Արֆոլվիլի Ս. Մեսրոպ վարժարանի կառուցման, 1978-ին: Փարիզեան Շերաթոն արուարձանի գլխաւոր զբոսայգիներէն մէկուն մէջ բարձրացուած խաչքարն ալ ինք նուիրած էր, որուն հանդիսաւոր բացումը կատարուած էր 24 ապրիլ 1996-ին: Ս. Էջմիածնի Մայր տաճարի զանգակներուն նուիրատուն ալ ինքն էր:

Ջրբաշեան առեւտուրի մէջ յաջողած մտաւորական անձնաւորութիւն մը եղած է. առանց գրական մեծ յաւակնութեանց` ճաշակաւոր էջեր ստորագրած է Անդրանիկ Ծառուկեանի հրատարակած «Նայիրի» շաբաթաթերթին եւ Արփիկ Միսաքեանի «Յառաջ» օրաթերթին մէջ: Իր գրիչէն կը ծորէին վճիտ հայրենասիրութիւն, մաքուր զուարթախոհութիւն եւ ֆրանսական գրականութեան յատուկ հմտութիւն եւ նրբամտութիւն: Ստեպ աշխատակցած է նաեւ «Ազգ» թերթին, որուն խմբագրութեան հետ բարեկամական յարաբերութիւն ունէր: Իր մեկենասութեամբ հրատարակուած են տասնեակ գիրքեր, յատկապէս յուշագրական բնոյթի:

 
 

«ԱԶԳ» ՕՐԱԹԵՐԹ #30, 02-08-2019

AZG Daily #31, 23-08-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ