RSS | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#023, 2019-06-14 > #024, 2019-06-21 > #025, 2019-06-28 > #026, 2019-07-05 > #027, 2019-07-12

«ԱԶԳ» ՕՐԱԹԵՐԹ #25, 28-06-2019



Տեղադրվել է` 2019-06-28 18:29:24 (GMT +04:00)


Ընթերցված է` 1561, Տպվել է` 235, Ուղարկվել է էլ.փոստով` 0

ԳԵՂԱՐՔՈՒՆԻՔՈՒՄ ԲՆՈՒԹՅՈՒՆՆ ԱՅՍ ՏԱՐԻ ԺԼԱՏ Է ԵՂԵԼ

Գ. Գ.

Անցնող տարին ՀՀ որոշ մարզերում, գյուղատնտեսության առումով, արդյունավետ չեղավ: Որպես սեփական աչքերով տեսածի օրինակՙ բերեմ Գեղարքունիքի մարզը: Թեեւ պտղատու ծառերի մասով բողոքներ չկան, քանի որ սպասվածից մի բան էլ ավել է բաշխել բնությունը, բայց վերջինս խիստ ժլատ է գտնվել ցանքատարածությունների ու անասնակերի հարցում:

Եթե նախորդ տարիներին կարելի էր առվույտի մեկ հեկտար ցանքատարածությունից ստանալ մինչեւ 180, նույնիսկ 200 խուրձ, այս տարի 50 խուրձն արդեն լավ արդյունք է: Պայմանավորված նշյալովՙ տարածքում խոտի մեկ խուրձն արդեն արժե 1000 դրամ, որն աշնան սկզբին, անուշտ, էլ ավելի կթանկանա: Նույն արդյունքն են խոստանում նաեւ գարու ու ցորենի դաշտերը: Դրանցից կան այնպիսիները, որոնց խիստ թերաճի պատճառով համապատասխան տեխնիկան չի կարողանա հնձել դրանք, այսինքնՙ գյուղացու ամբողջ տարվա սպասելիքներն ու տանջանքն այդպես էլ մնում են դաշտերումՙ մկներին ու թռչուններին կեր:

Այս ամենն արդեն հուշում է, որ այս տարվա աշնան վերջին, անասնակերի բացակայության հետեւանքով տարածաշրջանում խիստ նվազելու է ընտանի կենդանիների քանակը: Ոմանք դրանք վաճառելու են վարուցանքի համար ձեւակերպած վարկերը մարելու, ոմանք էլՙ մի կերպ գոյատեւելու համար, վերջին հաշվովՙ ինչո՞վ պահեն, եթե կեր չկա:

 
 

«ԱԶԳ» ՕՐԱԹԵՐԹ #25, 28-06-2019

AZG Daily #28, 19-07-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ