RSS | FACEBOOK | PDF
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#018, 2019-05-09 > #019, 2019-05-17 > #020, 2019-05-24 > #021, 2019-05-31 > #022, 2019-06-07

«ԱԶԳ» ՕՐԱԹԵՐԹ #20, 24-05-2019



Տեղադրվել է` 2019-05-27 12:26:54 (GMT +04:00)


Ընթերցված է` 2737, Տպվել է` 240, Ուղարկվել է էլ.փոստով` 0

ՀԱՅԱԶԳԻ ԼՈՐԴ ԴԱՐԶԻԻ ՄԻՋԱՄՏՈՒԹՅԱՄԲ ԱԶԱՏ ԵՆ ԱՐՁԱԿՎԵԼ ՌՈՅԹԵՐԻ ԼՐԱԳՐՈՂՆԵՐԸ

Հ.Ծ.

Ռոյթեր լրատվական գործակալության երկու աշխատակիցներՙ Վա Լոուն եւ Քիո Սո Ուն մայիսի 7-ին Միանմարում (Բիրմա) ազատ են արձակվելՙ կառավարական մարմինների հետ անգլիացի հայազգի բժիշկ լորդ Արա Դարզիի երկար ամիսների բանակցությունների արդյունքում, տեղեկացնում է «Արմինյն Միրոր-Սփեքթեյթր» շաբաթաթերթը:

«Ուրախ եմ, որ հաջողվեց ազատել նրանց: Սա ցույց է տալիս, որ երկխոսությունը, բանակցությունները նպաստում են լուծելու նույնիսկ ամենաբարդ ճգնաժամերը: Շնորհակալ եմ բոլոր նրանց, ովքեր ինձ հետ պայքարեցին հասնելու այս արդյունքին: Բանակցություններն այսուհետ պետք է ուղղված լինեն տեւական խաղաղություն հաստատելուն Ռախինում, որպեսզի հնարավոր լինի հազարավոր փախստականների վերադարձը դեպի իրենց օջախները: Դա կարեւոր է Միանմարի համար, որտեղ ժողովուրդը միասնաբար պետք է կառուցի իր ապագան», նշել է այս առթիվ պրոֆ. Դարզին, որ 2012 թվից մարդասիրական հիմունքներով աշխատել է Միանմարում, հատկապես Յանգոնում:

Ռոյթերի երկու լրագրողները 2017-ի դեկտեմբերին ձերբակալվելուց առաջ հետաքննում էին բուդդիստների եւ անվտանգության զորքերի կողմից Ռոհինիայում 10 մահմեդականների սպանության գործը, որի համար արժանացել էին պուլիցերյան մրցանակի: Նրանք յոթ տարվա բանտարկության էին դատապարտվել, առաջացնելով մարդու իրավունքի պաշտպան կազմակերպությունների զայրույթը: 500-ից ավելի օրեր բանտում անցկացնելուց հետո նրանք 6500 ուրիշների հետ համաներման էին արժանացել նախագահական հրամանագրով: ՄԱԿ-ի գնահատմամբ 2017-ի օգոստոսյան իրադարձությունների հետեւանքում ավելի քան 730 հազար մարդ Ռոհինիայից փախել էր Բանգլադեշ:

 
 

«ԱԶԳ» ՕՐԱԹԵՐԹ #20, 24-05-2019

AZG Daily #39, 18-10-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ