RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#016, 2019-04-26 > #017, 2019-05-03 > #018, 2019-05-09 > #019, 2019-05-17 > #020, 2019-05-24

«ԱԶԳ» ՕՐԱԹԵՐԹ #18, 09-05-2019



ՄԻՋԱԶԳԱՅԻՆ

Տեղադրվել է` 2019-05-09 03:38:21 (GMT +04:00)


Ընթերցված է` 1831, Տպվել է` 225, Ուղարկվել է էլ.փոստով` 0

ԻՐԱՆԻՆ ԶՐԿՈՒՄ ԵՆ ՈՒՐԱՆԻ ՀԱՐՍՏԱՑՄԱՆ ԻՐԱՎՈՒՆՔԻՑ

ԱՐԵՎԻԿ ՔԵՇԻՇՅԱՆ

Արգելքը դիպչում է նաեւ Մոսկվայի շահերին

ԱՄՆ Պետդեպարտամենտը ուզում է Իրանին զրկել հարստացված ուրանը ռուսական ուրանի խտանյութի հետ փոխանակելու հնարավորությունից, արձանագրում է Bloomberg գործակալությունը: Մոսկվային սպառնում են նոր պատժամիջոցներ, եվրոպացի քաղաքական գործիչները մտահոգված են դրանց հնարավոր հետեւանքներից, եւ միայն վաշինգտոնյան ճուռակներն են գոհունակություն արտահայտում:

Գործակալությունը նշում է, որ Թրամփի տվյալ որոշումը, ըստ էության, ի չիք է դարձնում նախագահ Բարաք Օբամայի օրոք իրանական միջուկային ծրագրի վերաբերյալ ստորագրված բազմակողմ համաձայնագիրը: Վերջին տարիներին իրանական դիվանակագիտության մեծագույն ձեռքբերումներից մեկը այն էր, որ նա կարողացավ աշխարհին համոզել ընդունել ուրանը մինչեւ միջուկային վառելիքի մակարդակ հարստացնելու իր իրավունքը: Այժմ Թրամփի վարչակազմը դա կասկածի տակ է առնում:

Անցյալ ուրբաթ օրը ԱՄՆ վարչակազմը երկարաձգեց մի շարք հակաիրանական պատժամիջոցներ, ըստ որում չեղյալ հայտարարվեցին մի շարք ուրիշ բացառություններ: Երկարաձգումներն արժանացան ավելի մեծ ուշադրության, քան չեղարկումները: Նորացված պատժամիջոցներից մեկը, որը Իրանին կխանգարի հարստացված ուրանը Ռուսաստան ուղարկել ուրանի հանքնաքարի խտանյութի դիմաց, ըստ էության կարող է ի չիք դարձնել ավելի վաղ կնքնված գործարքը: Ըստ երեւույթին, շաբաթավերջին Եվրոպան գիտակցեց դա: Շաբաթ օրը հրապարակված Եվրոմիության հայտարությունն արձանագրում է, որ պատժամիջոցների վերականգնումը կխանգարի անցյալում ձեռք բերված առեւտրական համաձայնագրի կատարմանը:

Վաշինգտոնը Թեհրանից պահանջում է դադարեցնել ամեն տեսակ գործունեություն, որը կապված կլինի միջուկային զենքի տարածման հետ, այդ թվումՙ ուրանի հարստացման հետ: «Մենք չենք հանդուրժի այնպիսի գործողություններ, որոնք նպաստում են նմանօրինակ հարստացմանը», ընդգծվում է Պետդեպարտամենտի հայտարարության մեջ, որը մեջբերում է Bloomberg գործակալությունը:

Մինչեւ անցյալ ուրբաթ Վաշինգտոնը Մոսկվայի նկատմամբ պատժամիջոցներ չէր ձեռնարկել Իրանի հետ ուրանի փոխանակման համար: Բայց հիմա նման պատժամջոցները հնարավոր են:

Այս ամենը հաճելի անակնկալ է վաշինգտոնյան ճուռակների համար, որոնք աչքի են ընկնում Իրանի հանդեպ կոշտ դիրքորոշմամբ: Սենատոր Թեդ Կրուզը ողջունել է ուրանի հարստացման իրավունքին վերջ դնելու որոշումը, թեեւ ափսոսանք է հայտնել որոշ այլ բացառություններ եւս 90 օրով երկարաձգելու կապակցությամբ:

Ինչ վերաբերում է Թեհրանի հակազդեցությանը, Իրանի վարչակարգը բնականաբար դժգոհ է: Ինչպես նշում է Bloomberg-ը, Իրանի խորհրդարանի նախագահ Ալի Լարիջանին ուրանի հարստացումը շարունակելու վճռականություն է արտահայտել, իսկ խորհրդարանի ազգային անվտանգության կոմիտեի ղեկավարը հայտարարել է, որ իրանցի դիվանագետները պետք է բանակցություններ սկսեն միջուկային այնպիսի համաձայնագրի շուրջ, որը Իրանին թույլ կտար ուրանի հարստացումը հասցնել է՛լ ավելի բարձր մակարդակի:

 
 

«ԱԶԳ» ՕՐԱԹԵՐԹ #18, 09-05-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ