RSS | WAP | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#014, 2019-04-12 > #015, 2019-04-19 > #016, 2019-04-26 > #017, 2019-05-03 > #018, 2019-05-09

«ԱԶԳ» ՕՐԱԹԵՐԹ #16, 26-04-2019



Տեղադրվել է` 2019-04-26 00:33:32 (GMT +04:00)


Ընթերցված է` 2462, Տպվել է` 228, Ուղարկվել է էլ.փոստով` 0

ԹԵՔԵՅԱՆԱԿԱՆ ՕԼԻՄՊԻԱԴԱ

Հայտնի դարձան Թեքեյանական 9-րդ օլիմպիադայի հաղթողները: Ամենամյա մրցույթն իրականացվում է «Թեքեյան Կենտրոն» հիմնադրամի կողմիցՙ սկսած 2010թ-ից: Այն ընդգրկում է երեք առարկաՙ մաթեմատիկա, անգլերեն լեզու, հայոց լեզու/գրականություն, եւ խրախուսում է բարձր առաջադիմությունը, ոգեւորություն է հաղորդում աշակերտներին, հնարավորություն է ընձեռում առողջ մրցակցության պայմաններում դրսեւորել իրենց գիտելիքներն ու արժանանալ մրցանակների, ինչպես նաեւ ծանոթանալ տարբեր մարզերում բնակվող հասակակիցների հետ:

Այս տարի եւս մրցույթում իրենց ուժերը չափեցին Հայաստանիՙ Երեւանի, Գյումրիի, Ստեփանավանի, Կարբի գյուղի, ինչպես նաեւ Արցախիՙ Բերձորի, Վ. Թեքեյանի անվան դպրոցների եւ Հայաստանի սիրիահայ համայնքի 8-րդ դասարանի աշակերտներ: Ձեռնարկի մասնակիցների ընդհանուր թիվն էր 85:

Մրցույթից հետո, մինչ մասնագիտական հանձնախումբը կամփոփեր արդյունքները, մասնակիցներին առաջարկվեց հյուրասիրություն եւ մշակութային ծրագիր Թումանյանական տարվա շրջանակներում` «Շունն ու կատուն» ներկայացումը Երեւանի Պատանի հանդիսատեսի թատրոնում: Այնուհետեւ միջոցառումը կրկին տեղափոխվեց Թեքեյան կենտրոն, որտեղ տեղի ունեցավ օլիմպիադայի մրցանակաբաշխության արարողությունը, եւ հայտարարվեցին հաղթող ճանաչված աշակերտների անունները: Սակայն պետք է նշել, որ չկային պարտվողներ, քանի որ բոլոր մասնակիցներին ԹԿՀ կողմից տրվեցին խրախուսական մրցանակներՙ Հ. Թումանյանի բանաստեղծությունների եւ քառյակների ժողովածուներ եւ այլն:

Մրցանակաբաշխությանը ներկա էին ՀՀ ԿԳՆ սփյուռքի հետ կապերի բաժնի պետ Կարեն Մնացականյանը, ՀՀ սփյուռքի նախարարության համահայկական եւ միջազգային կազմակերպությունների հետ կապերի բաժնի պետ Անահիտ Դավթյանը, «Թեքեյան կենտրոն» հիմնադրամի հոգաբարձուների խորհրդի նախագահ Վարդան Ուզունյանը (Լոնդոն), Երեւանի քաղաքապետարանի աշխատակազմի հանրակրթության վարչության ներկայացուցիչներ, դպրոցների տնօրեններ եւ այլք:

Ձեռնարկը մեկնարկեց երգ ու պարով, ասմունքովՙ մասնակից դպրոցների աշակերտների կատարմամբ: Այնուհետեւ հյուրերին եւ օլիմպիադայի մասնակիցներին ողջունեց «Թեքեյան կենտրոն» հիմնադրամի տնօրեն Արմեն Ծուլիկյանը: Շնորհավորելով հաղթողներին, նա կարեւորեց նմանատիպ ծրագրերի իրականացումը, որոնք նպաստում են հայ դպրությանն ու նոր սերնդի դաստիարակությանը: Տնօրենը նաեւ շնորհակալություն հայտնեց մասնագիտական հանձնախմբին ծավալուն եւ անկողմնակալ աշխատանքի համար:

Այնուհետեւ օլիմպիադայի մրցութային հանձնախմբը, որի կազմում էին «Ուսմունք» վարժարանի փոխտնօրեն Ա. Ավետիսյանը (հայոց լեզու եւ գրականություն), ԵՊՀ դասախոս Ա. Մարգարյանը (անգլերեն լեզու) եւ Մ. Գալշոյանի անվ. թիվ 148 դպրոցի փոխտնօրեն Ա. Գեւորգյանը (մաթեմատիկա), մասնագիտական կարծիք արտահայտեց եւ գովաանագրեր, պատվոգրեր եւ մրցանակներՙ տեխնիկա ու գրքեր հանձնեց բարձր առաջադիմություն դրսեւորած աշակերտներին:

Թեքեյանական 9-րդ օլիմպիադայում առաջին մրցանակիՙ եռօրյա ուղեւորություն դեպի Արցախ եւ Հայաստան երկու անձի համար, արժանացան`

«Հայոց լեզու եւ գրականություն» - Արմանուշ Մարգարյան (Բերձոր)

«Մաթեմատիկա» - Աշխեն Շահբազյան (Երեւան)

«Անգլերեն լեզու» - Սագո Պազարճեան (Սիրիա)

 
 

«ԱԶԳ» ՕՐԱԹԵՐԹ #16, 26-04-2019

AZG Daily #24, 21-06-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ