RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-09-30 13:59:17Իրավիճակը Արցախում․ ոչնչացվել է ՏՕՍ-1Ա
2020-09-30 09:30:43Թուրքիան ահաբեկիչներ է ուղարկում Ադրբեջան Արցախի դեմ կռվելու համար
2020-09-29 22:10:08Ստեփանակերտում սպասում են հայկական բանակի փառահեղ հաղթանակին
2020-09-25 22:24:39ՌԴ «Կապուստին Յար» զորավարժարանում ավարտվեց «Կովկաս-2020» զորավարժությունների հիմնական փուլը
2020-09-25 21:44:02Պատժել ցանկացած լկտի դրսևորում թշնամու կողմից… (տեսանյութ)
#006, 2019-02-15 > #007, 2019-02-22 > #008, 2019-03-01 > #009, 2019-03-08 > #010, 2019-03-15

«ԱԶԳ» ՕՐԱԹԵՐԹ #8, 01-03-2019



Տեղադրվել է` 2019-02-28 23:33:40 (GMT +04:00)


Ընթերցված է` 922, Տպվել է` 84, Ուղարկվել է էլ.փոստով` 0

ՕԴՅՈՒԲՈՆԸ ԱՌԱՋԱՐԿՈՒՄ Է ԹՌՉՆԱԴԻՏԱԿԱՆ ՇՐՋԱԳԱՅՈՒԹՅՈՒՆՆԵՐ ՀԱՅԱՍՏԱՆՈՒՄ

Հ.Ծ., (Arm. Mirror-Spectator)

«Թռչնադիտողի (birder կամ bird-watcher) համար չկա ավելի ցնցող տպավորություն, քան տեսնել այդ տեսակի կենդանիներին ազատ ճախրելիս երկնքում: Իսկ առավել ցնցող կլինի տպավորությունը, եթե Հայաստանում կատարեք այդ դիտարկումը»: Նման հորդորով է սկսում իր հոդվածը Ռոքսաննա Էթմեքչյանը «Միրոր-Սփեքթեյթր» շաբաթաթերթում, նշելով որ Մասաչուսեթսի Օդյուբոն ընկերությունը, որն արդեն ավելի քան 50 տարիներ թռչնադիտական շրջագայություններ է իրականացնում աշխարհի տարբեր երկրներում, այս տարի առաջին անգամ նման շրջագայություն է ծրագրել Հայաստանում: Այն նախատեսված է իրականացնել սեպտեմբերի 15-ից 29-ը եւ հնարավորություն է ընձեռում դիտարկելու Հայաստանում ամրագրված 350 տեսակի թռչուններից շատերին, ներառյալ Եվրոպայից եւ Ասիայից չվողներին:

Ծրագրին մասնակցողները կլինեն Սեւանում, Դիլիջանում, Սելիմի լեռնանցքում, Նորավանքի կիրճում, Գնդասարում, Մեղրիում, Շվանիձորում, Գորիսում, Տաթեւում, Ջերմուկում, Գառնիում, Գեղարդում եւ Արագածում: Մինչ շրջագայությունը թռչնադիտարկման նպատակ է հետապնդում, պատմական եւ մշակութային վայրերի այցելությունները եւս ընդգրկվելու են ծրագրում: Զբոսաշրջիկների խմբին ուղեկցելու է ինչպես տարածաշրջանային թռչունների կենցաղին լավատեղյակ մի հայ մասնագետ, այնպես էլ Օդյուբոնի ընկերությունից մի ներկայացուցիչ: Օրն սկսվելու է շատ վաղ, հնարավորինս շատ թռչուններ դիտարկելու համար, եւ նախատեսվելու է 1-2 մղոն քայլարշավ օրական:

Նախաձեռնողները հավատացած են, որ ծրագիրը նպաստելու է բարելավելու Հայաստանի տնտեսությունը, հատկապես քիչ զարգացած գյուղական վայրերում:

Արձանագրությունները արդեն սկսված են եւ հետաքրքրվողներին խորհուրդ է տրվում այցելել «https//www.massau-dubon.org/get-out-doors/travel-tours/upcoming-tours» կայքը:

 
 

«ԱԶԳ» ՕՐԱԹԵՐԹ #8, 01-03-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ