RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#001, 2019-01-11 > #002, 2019-01-18 > #003, 2019-01-25 > #004, 2019-02-01 > #005, 2019-02-08

«ԱԶԳ» ՕՐԱԹԵՐԹ #3, 25-01-2019



Տեղադրվել է` 2019-01-25 18:57:20 (GMT +04:00)


Ընթերցված է` 3115, Տպվել է` 247, Ուղարկվել է էլ.փոստով` 0

ԳԵՐՄԱՆԱՑԻ ՆԵՐԴՐՈՂԸ 2019-ԻՆ ՀՀ ԿԱՌԱՎԱՐՈՒԹՅՈՒՆԻՑ ՀՍՏԱԿ ՔԱՅԼ Է ԱԿՆԿԱԼՈՒՄ

ԱՆԱՀԻՏ ՀՈՎՍԵՓՅԱՆ, Գերմանիա

Վարչապետի գլխավորած պատվիրակությունը պաշտոնական այցով կլինի Գերմանիայում

«2019-ը գործերի՞ տարի» վերնագիր դարձած հարցին գերմանական արտաքին տնտեսական նորություններին հետամուտ OWC հանդեսն անդրադառնում է Հայաստանում «թավշյա հեղափոխությունից» հետո վարչապետ Փաշինյանիՙ իր երկրի քաղաքացիներին, նաեւ ներդրողներին տրված խոստումներին ու դրանք 2019-ին իրագործելու հնարավորություններինՙ զրուցակից ունենալով Հայաստանում Գերմանական տնտեսական միության ղեկավար Դիիթմար Կարլ Շթիլին : Վարչապետ Փաշինյանի գլխավորած պատվիրակությանՙ հունվարի 31-ից փետրվարի 1-ը Քյոլն եւ Բեռլին կատարելիք պաշտոնական այցին ընդառաջ սույն հարցազրույցն առավել կարեւորվում է:

Ինչու՞, ինչո՞վ գերմանացի ներդրողին պիտի հետաքրքրիՀայաստանի փոքր շուկան, հարցնում է հանդեսի թղթակիցը: «Այո, շուկան փոքր է, բայց այն հատկապես հետաքրքրել կարող է այն ներդրողներին, որոնք Հայաստանը ԵԱՏՄ-ի եւ Իրանի միջեւ կամուրջ են տեսնում: Սրանով գործարարները կարող են մուտք ունենալ նաեւ այլ շուկաներ, ասենքՙ Ռուսաստանի: Հայաստանը շատ լավ եւ սերտ հարաբերություններ ունի Իրանի հետ, դա կարող է շատ գրավիչ լինել գերմանացի ներդրողների համար, առնվազն նրանց, որ ներգրավված չեն ԱՄՆ շուկայում:Հայաստանում շատ ոլորտներ արդիականացման կարիք ունեն, դրանց մեջ առավելաբարՙ գյուղատնտեսությունն ու սննդի վերամշակման ոլորտները, որ գերմանացի ներդրողների, մեքենաներ ու սարքավորումներ մատակարարող ընկերությունների համար լավ հնարավորություն են ստեղծում:

Գերմանիան եւ Եվրոպան այդ ներուժը դեռ չեն բացահայտել, ծավալուն հարցազրույցի առաջին հարցին ի պատասխան մեկնաբանում է Դիիթմար Կարլ Շթիլը: Նա անդրադառնում է «թավշյա հեղափոխության» ընթացքին, 2018-ին խորհրդարանական ընտրությունների արդյունքում Փաշինյանի ղեկավարած կուսակցության 70 տոկոս կազմող մեծամասնությանն ԱԺ-ում եւ անդրադառնալով կառավարության կուրսին, Փաշինյանի կարեւորագույն նպատակին, ընդգծում էՙ դա գրեթե 20 տարի գոյատեւող օլիգարխիան է Հայաստանում: « Երկրի բիզնեսը տարիներ շարունակ մի քանի անձանց ձեռքում Է եղել, ասում է Շթիլըՙ շեշտադրելով նոր կառավարության կոռուպցիայի դեմ պայքարի գերակայությունը: Փաշինյանն ուզում է տնտեսությանը ներհյուսված այդ կառույցների կապը քանդել: Մինչեւ հիմա մրցակցություն գրեթե չի եղել, սուբսիդիաները վատնել են, հավելում է գերմանացի պաշտոնյանՙ թվարկումների շարքում ասես բոլոր բացասական կետերը ներառելով: Տեղի սղության պատճառով կարեւոր այդ դիտարկումներին մանրամասն չենք կարող անդրադառնալ, միայն առանձնացնենք, որ քաղաքական հեղափոխությունից հետո ընդգծվում է տնտեսական հեղափոխության անհրաժեշտությունը: «Կառավարությունը ցանկանում է նվազեցնել եկամտահարկը փոքր եւ միջին ձեռնարկությունների համար: Գերմանացի ներդրողների համար էլ անընդունելի է հարկային չափազանց ծանր բեռը: Միջինՙ 500 ԱՄՆ դոլար եկամուտ ունեցողից Հայաստանում ավելի քան 35 տոկոս հարկ են պահանջում: Միաժամանակ սա պիտի հավասարակշռող գործողություն լինիՙ մի կողմից հարկերը պիտի նվազեն, որ վայրը գրավիչ դառնա, մյուս կողմիցՙ պիտի բավարար հարկային եկամուտներ գանձվեն, որ պետությունը կարողանա իր հանձնառությունները կատարել», ասում է Շթիլը: Պատասխանելով կառավարության իրականացրած կոնկրետ քայլերի մասին հարցին, Հայաստանում գործունեություն ծավալող գերմանացի պաշտոնյան ասում էՙ կառավարությունը շատ բան է խոստացել, նաեւՙ տնտեսության ոլորտում, 2019-ին ակնկալում ենք կոնկրետ քայլեր, հակառակ պարագայումՙ դրական տրամադրությունը միգուցե նաեւ փոխվի: Կառավարությանը ժամանակ տանքՙ հստակ գործ անելու համար, իսկ ներդրողներին խորհուրդ կտամ շարունակել քննախույզ դիտարկումները շուկայի եւ հնարավորությունների հարցում, եզրափակում է Դիիթմար Կարլ Շթիլը:

 
 

«ԱԶԳ» ՕՐԱԹԵՐԹ #3, 25-01-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ