RSS | WAP | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#045, 2018-11-30 > #046, 2018-12-07 > #047, 2018-12-14 > #048, 2018-12-21 > #049, 2018-12-28

«ԱԶԳ» ՕՐԱԹԵՐԹ #47, 14-12-2018



ՄԻՋԱԶԳԱՅԻՆ

Տեղադրվել է` 2018-12-14 00:00:15 (GMT +04:00)


Ընթերցված է` 1692, Տպվել է` 215, Ուղարկվել է էլ.փոստով` 0

ՄԵՐԿԵԼԻ ԻՐԱՎԱՀԱՋՈՐԴԸ ՀԱՅՏՆԻ Է

Պ.Ք.

ՔԴՄ համագումարի արդյունքները

Գերմանիայի Համբուրգ քաղաքում շաբաթավերջին տեղի ունեցավ մի իրադարձություն, որը կարելի է համարել երկրի, թերեւս նաեւ ամբողջ Եվրոմիության մեծ քաղաքականության փոփոխություն: Կառավարող Քրիստոնեադեմոկրատական միության համագումարում գաղտնի քվեարկությամբ ընտրեցին կուսակցության նոր նախագահ: Գրեթե երկու տասնամյակ ՔԴՄ անփոփոխ առաջնորդը եղած Անգելա Մերկելի փոխարեն, որը որոշել էր իր թեկնածությունը չառաջադրել հերթական անգամ, նոր կուսակցապետ Աննեգրետ Կրամպ-Կարրենբաուերը :

Կուսակցության պատգամավորներն իրենց արդեն նախկին ղեկավարին ճանապարհեցին գրեթե տասը րոպեանոց ծափողջույններով: Այդ ընթացքում Անգելա Մերկելը շնորհակալություն հայտնեց կուսակիցներինՙ ավելացնելով, որ Համբուրգում համագումարը միայն դրա համար չի գումարվել: Նրա խոսքերովՙ եկել է նոր դարագլուխ բացելու ժամանակը, եւ ինքը երախտապարտության զգացում է ապրում կուսակիցների վստահության համար:

ՔԴՄ ղեկավարի պաշտոնին հավակնում էին երեք անձինքՙ Գերմանիայի առողջապահության նախարար Յենս Շպան ԼԳԲՏ ներկայացուցիչ, մուլտիմիլիոնատեր Ֆրիդրիխ Մերցը եւ ՔԴՄ հայտնի գործիչ Կրամպ-Կարրենբաուերը: Վերջինս, փաստորեն, Անգելա Մերկելի հովանավորյալն է: Գերմանիայում նրան նույնիսկ անվանում են «մինի Մերկել»:

Մերկելը 18 տարի գլխավորել է Քրիստոնեադեմոկրատական միությունը: Ներկայիս սերնդափոխության նկատմամբ Վաշինգտոնը ունեցել է որոշակի դիրքորոշումՙ հույսեր կապելով «Ատլանտյան խորհրդի» ղեկավար, մեծահարուստ Ֆրիդրիխ Մերցի հետ: Նա պաշտոնական Վաշինգտոնի գլխավոր գաղափարակիրն է Գերմանիայի վերնախավում:

Մերցի ընտրվելը կլիներ զուտ ամերիկանիզմի հաղթանակ, իսկ Կրամպ-Կարրենբաուերը հանդես է գալիս առավել հավասարակշիռ քաղաքականության օգտին, թեպետեւ խոստացել է ավելի կոշտ դիրք բռնել Ռուսաստանի նկատմամբ: Այդուհանդերձ, նա մտադիր չէ հրաժարվել «Հյուսիսային հոսք-2» գազամուղի շինարարությունից, որին դեմ է ԱՄՆ-ը: ՔԴՄ նոր առաջնորդը իր աշխատաոճն անվանում է «երկաթյա բռունցք մետաքսյա ձեռնոցի մեջ»:

Գերմանական ARD հեռուստաընկերության տվյալներով, ընտրություններից անմիջապես առաջ Շպանի թեկնածության օգտին հանդես էր գալիս ՔԴՄ կուսակցության անդամների ընդամենը 2%-ը, Մերցի օգտինՙ 35%-ը, Կրամպ-Կարրենբաուերի օգտինՙ 48%-ը: Ի դեպ, կուսակցապետ ընտրում են ոչ թե շարքային կուսակցականները, այլ շրջանային բաժանմունքների 999 պատվիրակները: Հաղթում է քվեների ավելի քան 50 տոկոսը ստացող թեկնածուն: Առաջին փուլում թեկանծուներից որեւէ մեկը չստացավ բացարձակ մեծամասնություն: Կրամպ-Կարրենբաուերը երկրորդ փուլում հաղթեց ընդամենը 35 ձայնի առավելությամբ: Մինչ այդ, իր ելույթում Կրամպ-Կարրենբաուերը փորձում է համոզել, որ ինքը «մինի Մերկել չէ, որեւէ մեկի պատճենը չէ»:

Կրամպ-Կարրենբաուերի ընտրվելը Մերկելի համար լավագույն ելքն է, քանի որ դա նրան հնարավորություն կտա կանցլերի պաշտոնում մնալ մինչեւ 2021 թվականը: Մի ժամանակ, Մերկելն ասում էր, որ կուսակցապետի եւ կանցլերի պաշտոնները պետք է զբաղեցնի միեւնույն անձնավորոթյունը, բայց այս տարվա հոկտեմբերին հայտարարեց, որ ինքը դեռ մնում է կառավարության ղեկավարի պաշտոնում: Ինչ վերաբերում է Մերցին, կուսակցության համագումարում նա ՔԴՄ-ին քննադատեց կոալիցիոն դաշնակից Քրիստոնեասոցիալական միության հետ չափից ավելի սերտ հարաբերությունների համար: Մերցը առավել նախահարձակ դիրքորոշում ունի արտաքին քաղաքականության հարցերի եւ, մասնավորապես, Ռուսաստանի նկատմամբ:

Կրամպ-Կարրենբաուերի հետ Մերկելը նման խնդիրներ չի ունենա: Նա Մերկելի հետ համամիտ է ներգաղթի հարցում, բայց առավել պահպանողական է ընտանեկան հարցերում: Լինելով համոզված կաթոլիկ, Կրամպ-Կարրենբաուերը հանդես է գալիս ընդդեմ միասեռական ամուսնություների: Իսկ Ռուսաստանի հարցում նա Մերկելից ավելի խիստ դիրք է բռնել, մասնավորապես, Կերչի նեղուցի մոտ տեղի ունեցած միջադեպի առնչությամբ: Ի տարբերություն Մերկելի, ով խոսել էր ռուս-ուկրաինական հակամարտության մեղմացման մասին, Կրամպ-Կարրենբաուերը հայտարարել է, որ հարկավոր է Ազովի ծովից եկող ռուսական նավերի առջեւ եվրոպական նավահանգիստները փակել, քանի դեռ հակամարտությունը չի հարթվել: Նա նաեւ առաջարկել է սահմանափակել «Հյուսիսային հոսք-2» գազամուղով մատակարարվելիք ռուսական գազի ծավալները:

 
 

«ԱԶԳ» ՕՐԱԹԵՐԹ #47, 14-12-2018

AZG Daily #19, 17-05-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ