RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#042, 2018-11-09 > #043, 2018-11-16 > #044, 2018-11-23 > #045, 2018-11-30 > #046, 2018-12-07

«ԱԶԳ» ՕՐԱԹԵՐԹ #44, 23-11-2018



Տեղադրվել է` 2018-11-24 03:30:31 (GMT +04:00)


Ընթերցված է` 3212, Տպվել է` 267, Ուղարկվել է էլ.փոստով` 0

ԱԶԳԱՅԻՆ ԱՐԺԱՆԱՊԱՏՎՈՒԹՅՈՒՆԸ ՎԵՐ Է ԱՄԵՆ ԻՆՉԻՑ

ԳԵՎՈՐԳ ԳՅՈՒԼՈՒՄՅԱՆ

Դեռ օերեր առաջ կանխատեսվել էր, որ Հայաստանիՙ ՀԱՊԿ-ի հետ ստեղծված խմորը շատ է ջուր տանելու: Այդպես էլ եղավ: Կրքերը խիստ թեժացան, երբ Նիկոլ Փաշինյանի «ականջն ընկավ» այն տեղեկությունը, թե ՀԱՊԿ դռնփակ նիստից հետո Բելառուսի նախագահ Ալեքսանդր Լուկաշենկոն Ադրբեջանի դեսպանին պատմել է դռներից այն կողմ ընդունված բոլոր որոշումները: Ավելինՙ Ղազախստանի նախագահ Նուրսուլթան Նազարբաեւն էլ հայտարարել է, որ քարտուղարի պաշտոնը տրվելու է Բելառուսի պատվիրակ Ս. Ջասին: Նիկոլ Փաշինյանն էլ, ինչպես ասում են, «դուխով» մարդ է, եւ զարյարցած հայտարարեց, որ պարզաբանումներ է պահանջելու թե՛ Բելառուսի, թե՛ Ղազախստանի նախագահներից:

Բայց արի ու տես, որ այս հայտարարությանն արձագանքեց ո՛չ թե ինքըՙ Լուկաշենկոն, ո՛չ թե Բելոռուսիայի ԱԳ նախարարը, այլՙ ԱԳ նախարարության մամլո քարտուղար Ա. Գլազը: Իսկ հայտարարությունը ո՛չ ավել, ո՛չ պակասՙ հետ-յալն էր.

«ՀՀ վարչապետի պաշտոնակատարը հավանաբար միջազգային դատախազի պարտականություններ է ստանձնել եւ իրավասու է կա՛մ պատժել, կա՛մ ներում շնորհել» : Շարունակելով խիստ անհարգալից տոնով հաղորդագրությունը, Գլազը եզրափակում է. «Դեռ չի հասկացել (Փաշինյանը: Գ.Գ.) , որ փողոցային ժողովրդավարության կանոններն անընդունելի են քաղաքականության մեջ» :

Այս մակարդակով, Հայաստանին տրված պատասխանից երկու բան կարելի է ենթադրելՙ կա՛մ Բելառուսիայի նախագհը արժանի չի համարում պաշտոնական Երեւանին նախագահի մակարդակով պատասխանել, կա՛մ խուսափում է այդ հայտարարությունը հենց ինքն անել. երկրորդ տարբերակի իսկության հավանականությունըՙ մեկ տոկոս է:

Ինչեւէ, անդրադառնանք Հայաստանին ու նրա կառավարությանը: Միջպետական հարաբերություններում ընդունված է, որ նման հայտարարությունից հետո անմիջապես ԱԳՆ պետք է կանչվեր Հայաստանում Բելառուսիայի դեսպանը եւ բացատրություններ պահանջվեր նրանից, որից հեոտ «գեղեցիկ փաթեթավորումներով» բողոքի խսիտ նոտան էլեկտոնային փոստի առաջին չվերթով առաքվեր Մինսկ: Բայց այս ամենը տեղի չունեցավ, ավելինՙ նույնիսկ Նիկոլ Փաշինյանը հետագայում հստակ չարձագանքեց: Կարելի է ասելՙ առհասարկ ոչինչ տեղի չունեցավ: Ինչո՞ւ, ո՞րն էր պատճառը. համարձակության պակասը, թե՞ «հավես չկարը»:

Այս ամենով հանդերձ, ինձ համար, որպես հայ, անկախ նրանիցՙ սե՞ւ, թե՞ սպիտակ, խիստ վիրավորական էր որոշ մարդկանց, արդեն Հայաստանում, հրճվանքի բացականչություններըՙ Բելառուսիայի անկիրթ հայտարարությունից հետո: Ոմանք երկար պաշարումից հետո, վերջապես պաշարված բերդի դռները խորտակած Չինգիզ Խանի դեմքի արտահայտությամբ շտապեցին հրճվել դրանով եւ քննադատել Փաշինյանին ու կառավարությանը: Պետք է հիասթափեցնեմ այդ մարդկանց ու հիշեցնեմ, որ Նիկոլ Փաշինյանի հետ, հավասար, առանց ավել-պակասի, Բելառուսիայի կողմից անպատվվել ենք բոլորս, քանի որ ուղերձն ուղղված էր ՀՀ առաջին դեմքին, եւ ամենեւին կարեւոր չէ, նա ով է: Նա... մերն է:

Պետք է գիտակցել, որ Փաշինյանը մեր երկրի առաջին դեմքն է, եւ... միայն մենք կարող ենք քննադատել նրան:

Պետք է լավ գիտակցել, ըմբռնել այս ամնեը ու ամեն ինչից վեր, լույսի տակ պահած ունենալ ազգային-պետական արժանապատվությունը, որն օրերս վիրավորել է Բելառուսըՙ պաշտոնապես:

 
 

«ԱԶԳ» ՕՐԱԹԵՐԹ #44, 23-11-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ