RSS | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԱԶԳ-ի խմբագրակազմը առաջիկա երկու շաբաթը կլինի արձակուրդի մեջ եւ իր սիրելի ընթերցողներին կհանդիպի օգոստոսի 23-ին։
#042, 2018-11-09 > #043, 2018-11-16 > #044, 2018-11-23 > #045, 2018-11-30 > #046, 2018-12-07

«ԱԶԳ» ՕՐԱԹԵՐԹ #44, 23-11-2018



Տեղադրվել է` 2018-11-24 03:30:31 (GMT +04:00)


Ընթերցված է` 3130, Տպվել է` 269, Ուղարկվել է էլ.փոստով` 0

ՀԱՐՑԱԶՐՈՅՑՙ ԱՍՈՐԱԿԱՆ ԱՆՎՏԱՆԳՈՒԹԵԱՆ ՈՒԺԵՐՈՒՙ «ՍՈՒԹՈՐՕ»-Ի ԽՕՍՆԱԿ ԱՔՔԱՐ ՀԱՆՆԱՅԻ ՀԵՏ

Հարցազրոյցը վարեցՙ ՀԱՄՕ ՄՈՍԿՈՖԵԱՆ, Գամիշլի, Հիւսիսային Սուրիա

- Ի՞նչ է «Սութորօ»-ի դերը հիւսիսային Սուրիոյ անվտանգութեան պաշտպանութեան մէջ:

- «Սութորօ»ի նպատակը սուրիական ճգնաժամի օրերուն ստեղծելն էր անվտանգութեան համակարգ, որ պաշտպանէր ասորիներու, աշուրիներու, հայերու, քաղդէացիներու եկեղեցական հաստատութիւնները, ֆիզիքական գոյութիւնը, Գամիշլիի նահանգին մէջ, հիւսիսային Սուրիա: Սկիզբէն կեդրոններ բացինք Տերիքի, Ղահթանիէի, Հասաքէի, Գամիշլիի, Խապուրի մէջ եւ այլուր:Այսօր մեր շարքերուն մէջ կան ասորիներ, արաբներ, հայեր, քաղդէացիներ: Նպատակն է ստեղծել ժողովրդավարական սկզբունքներու վրայ հիմնուած հասարակարգ Ճեզիրէի նահանգին մէջ:

- Ձեր մարտիկներուն թիւը որքա՞ն է Գամիշլիի մէջ եւ «Ժողովրդավար Սուրիա» կազմակերպութեան մէջ ի՞նչ դիրք ունին ասորի զինուորականները, մանաւանդ որ պաշտօնական խօսնակը այդ ուժերուն նոյնպէս ծագումով ասորի Քինօ Գաբրիէլն է:

- Հազարաւոր մարտիկներ ունինք... Մենք անվտանգութեան կառոյց ենք: Կը մասնակցինք բազմաթիւ ռազմական գործողութիւններուՙ «Ժողովրդավար ուժերուն» եւ «Ասորական Ռազմական խորհուրդին» հետՙ Գամիշլիի նահանգին մէջ թէ անկէ դուրս: Ինչպէս Ռաքքայի ազատագրման կամ Տէր Զորի մարտերուն:

- Այսօր, ինչպէս կը տեսնէք, ռազմաքաղաքական իրավիճակը շատ խառն է տարածաշրջանին մէջ, արդեօք ունի՞ք ինքնապաշտպանութեան անհրաժեշտ միջոցները, եթէ Թուրքիան նոր արկածախնդրութեան դիմէ:

- Մեր աշխատանքը անվտանգութիւնն է քաղաքներուն մէջ, զինուորական թէ ժողովրդավարական Սուրիոյ ուժերուն հետ: Ժողովուրդին մեծ վստահութիւն կը ներշնչենք, երբ բազմաթիւ նոր բնակավայրեր կ՛ազատագրենք «Տաէշ»-ի եւ «Ճեպհէթ Ալ-Նուսրա»-ի ահաբեկիչներէն զանոնք ազատագրելու համար: Այդ ոճրագործներէն շատեր կապուած էին Թուրքիոյ եւ անձամբ «AK» կուսակցութեան եւ նախագահ Էրտողանի հետ:

Մենք կարողացանք պայքարիլ, նահատակներ տալ, յաղթել եւ ապրելու յոյս ներշնչել: Նոյնիսկ եթէ այն խօսակցութիւնները, թէ բանակցութիւններ տեղի կ ունենան Թուրքիոյ հետ զիջումներու երթալուՙ մենք պատրաստ ենք պայքարելու մեր հողին վրայ մինչեւ վերջին շունչը...:

- Որո՞նք են ձեր ծրագիրները յետագայ ժամանակաշրջանին համար:

- Մեր ծրագիրն է ասորի, աշուրի, քաղդէացի, հայՙ ցեղասպանութեանց ենթարկուած ժողովուրդներու քաջարի զաւակներէն կազմել ռազմական ոյժՙ պաշտպանելու համար մեր բազմահազարամեայ հայրենիքը, դաշնակիցներուն հետ, այդ ազգութիւններուն տալով քաղաքական եւ ռազմական անհրաժեշտ դաստիարակութիւնՙ իրենց պատմական առաքելութիւնը շարունակելու համար:

- Ի՞նչ է ձեր պատգամը Հայաստանի մէջ լոյս տեսնող «ԱԶԳ» շաբաթաթերթի ընթերցողներուն:

- Մենք կոչով կը դիմենք մեր բոլոր քրիստոնեայ եղբայրներուն աշխարհի չորս ծագերուն, որ ամէն կերպ նեցուկ կանգնին, որպէսզի մեր դարաւոր ներկայութիւնը Ճեզիրէի տարածաշրջանին մէջ, Միջագետք, շարունակուիՙ ի փառս մարդկային քաղաքակրթութեան եւ ժողովրդավարութեան, հանուն մեր գոյատեւման պայքարին: Ձեզի ալ, Հովրօ Համօ, կը ցանկանանք լաւագոյնը հայ ժողովուրդի ծառայութեան դժուարին առաքելութեան մէջ:

 
 

«ԱԶԳ» ՕՐԱԹԵՐԹ #44, 23-11-2018

AZG Daily #30, 02-08-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ