RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#042, 2018-11-09 > #043, 2018-11-16 > #044, 2018-11-23 > #045, 2018-11-30 > #046, 2018-12-07

«ԱԶԳ» ՕՐԱԹԵՐԹ #44, 23-11-2018



Տեղադրվել է` 2018-11-24 03:30:31 (GMT +04:00)


Ընթերցված է` 3406, Տպվել է` 287, Ուղարկվել է էլ.փոստով` 0

«ՀԱՅ-ԻՐԱՆԱԿԱՆ ՍԱՀՄԱՆԻ ՓԱԿՈՒՄԸ ՀԱՅԱՍՏԱՆԻ ՀԱՄԱՐ ԿԼԻՆԻ ԻՆՔՆԱՍՊԱՆՈՒԹՅՈՒՆ». ԱՀԱՐՈՆ ՎԱՐԴԱՆՅԱՆ

Զրուցեցՙ Գեւորգ ԳՅՈՒԼՈՒՄՅԱՆԸ

ԱՄՆ նախագահի ազգային անվտանգության հարցերով խորհրդական Ջոն Բոլթոնի հայաստանյան այցից հետո, հայաստանյան հասարակական-քաղաքական շրջանակներում կրկին ակտիվացավ հայ-իրանական հարաբերությունների խնդիրը, մանավանդ Նիկոլ Փաշինյանի ու այլոցՙ հայ-իրանական սահմանի ենթադրյալ փակման մասին հայտարարություններից հետո: Թե ինչ հետեւանքներ կարող են ունենալ այդ այցն ու դրանից բխող տարաձայնությունները, փորձեցի ճշտել իրանագետ Ահարոն Վարդանյանից :

«Անկեղծ ասածՙ չեմ կարծում, որ Բոլթոնը պայման է դրելՙ հայ-իրանական սահմանը փակելու, որովհետեւ ինձ չի թվումՙ ինչ-որ մի երրորդ երկրի կողմից կոռեկտ կլինի նման բան առաջարկելը: Մանավանդ որ ամերիկյան կողմում շատ լավ հասկանում են երկու երկրների հարաբերությունների խորության ծավալները, ինչպես նաեւՙ Իրանի կար-որությունը Հայաստանի համար, -ՙ հակառակը»,-ասաց Ահարոն Վարդանյանը::

Խոսելով Նիկոլ Փաշինյանի հայտարարության ու դրանից բխող անհանգստության մասին, քաղաքագետը նշեց.

«Ն. Փաշինյանի հայտարարրությունն այլ համատեքստում էր, եւ պետք չէ այն համատեքստից դուրս նայել: Այդտեղ խոսքը չէր վերաբերում կոնկրետ Իրանի սահմանը փակելուն, խոսվում էր նաեւ Վրաստանի սահմանի եւ ընդհանրապեսՙ տարատեսակ մարտահրավերների մասին: Դա ենթադրում է, որ այդ հայտարարությունը կոնկրետ կապված չէ Բոլթոնի այցի հետ: Վարչապետի պաշտոնակատարը շատ լավ հասկանում է, թե Հայաստանի համար ինչ նշանակություն ունի Իրանը, եւ բոլորին պետք է պարզ լինի դա»:

«Իրանական կողմը հետաքրքրական ձեւով է արձագանքել: Այցից հետո Հայաստանում Իրանի դեսպան Սեյեդ Քազեմ Սաջջադին հանդիպել է ՀՀ ԱԳՆ պաշտոնակատարի հետ եւ նրան փոխանցել Իրանի Իսլամական Հանրապետության արտգործնախարար Մոհամմադ Ջավադ Զարիֆի շնորհակալական ուղերձն ու նշել հայ-իրանական հարաբերությունների բարձր մակարդակի կարեւորությունը, հույս հայտնելով, որ այդ մակարդակը կշարունակվի բարձրանալ նաեւ ապագայում: Սա հստակ մեսիջ էր իրանական կողմիցՙ հայ-իրանական հարաբերությունների հետագա ընթացքը բնութագրելու տեսակետից»,- խոսելով իրանական կողմի արձագանքի մասին, նկատեց Ա. Վարդանյանը:

Եզրափակելով զրույցը, քաղաքագետը հատուկ ընդգծեց.

« Հայ-իրանական սահմանի փակումը Հայաստանի համար կլինի ինքնասպանություն , մենք կհայտնվենք թուրքական կղզում, բոլոր կողմերից կշրջափակվենք թուրքերով, բացառությամբՙ Վրաստանի, բայց հաշվի առնելով վերջինիս կախվածությունը թուրքական երկրներից, մասնավաորապեսՙ մեր երկու հարեւաններից, պարզ է դառնում, թե ինչ վտանգներ են սպառնում մեզ: Դա բացառված տարբերակ է, այն նույնիսկ չպետք է քննարկման դրվի: Հայ-իրանական հարաբերությունները կախված չեն կառավարություններից, կամ ինչ-որ անձանց որոշումներից, դրանք հարաբերություններ են երկու ժողովուրդների միջ-: Կապ չունիՙ ով է իշխանության գլուխ կանգանած, սկսած 1990-ականներից մի քանի կառավարություններ են փոխվել, բայց հարաբերությունները զարգանում են ցայսօր, եւ վստահ եմՙ շարունակվելու են միշտ»:

 
 

«ԱԶԳ» ՕՐԱԹԵՐԹ #44, 23-11-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ