RSS | WAP | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#022, 2018-06-08 > #023, 2018-06-15 > #024, 2018-06-22 > #025, 2018-06-29 > #026, 2018-07-06

«ԱԶԳ» ՕՐԱԹԵՐԹ #24, 22-06-2018



Տեղադրվել է` 2018-06-22 00:34:34 (GMT +04:00)


Ընթերցված է` 4595, Տպվել է` 567, Ուղարկվել է էլ.փոստով` 0

ԿԱՌՈՒՑԵՆՔ ՇՈԳԵԳԱԶԱՅԻՆ ԷԼԵԿՏՐԱԿԱՅԱՆ ԳՅՈՒՄՐԻՈՒՄ

ՍՏԵՓԱՆ ՊԱՊԻԿՅԱՆ, Տեխնիկական գիտությունների թեկնածու

Վառելիքաէներգետիկ ռեսուրսների խնայողության եւ շրջակա միջավայրի պահպանության տեսակետից կարեւոր նշանակություն ունի նոր տեխնոլոգիաների օգտագործումը: Ուսումնասիրությունները վկայում են բարդ կլիմայական պայմաններում գազային տուրբինների կիրառման անհրաժեշտությունը: Գյումրի քաղաքի համար այն ունի նաեւ ռազմավարական նշանակություն, քանի որ քաղաքը գտնվում է առկա մյուս էլեկտրակայաններից բավարար հեռավորության վրա: Այս հարցում հապաղելու իրավունք չունենք: Այստեղ արտադրված յուրաքանչյուր ԿՎտժ-ի համար մինչեւ 20 տոկոս քիչ վառելիք ենք օգտագործելու:

Գյումրի քաղաքի շենքերի եւ շինությունների ջեռուցման, տաք ջրամատակարարման համար օգտագործելով շոգեգազային էլեկտրակայանՙ կարող ենք ոչ միայն ճշգրիտ բաշխել կայանները Հայաստանի տարածքում, այլեւ լուծել տնտեսական եւ բարոյահոգեբանական խնդիր: Էլեկտրակայանների կենտրոնացումը Երեւան, Հրազդան, Մեծամոր եռանկյունու գագաթներում հետագայում կարող է առաջացնել հսկայական հարցեր պայմանավորված էներգետիկ անվտանգության հետ:

Շոգեգազային էլեկտրակայանի աշխատանքը շատ պարզ է: Բնական գազի այրումից առաջացած արգասիքները օգտագործվում են գազային տուրբինում էլեկտրաէներգիա ստանալու համար:Այնուհետեւ աշխատած գազերը բավականին բարձր ջերմաստիճանով տրվում են ջերմօգտագործիչ ցանցային ջրի տաքացման համար:Այն հնարավորություն կտա համատեղ ցիկլով արտադրել էլեկտրական եւ ջերմային էներգիա: Կխնայվեն հսկայական քանակությամբ վառելիքաէներգետիկ ռեսուրսներ եւ որոշ չափով կբարելավվի շրջակա միջավայրը:

Հնարավորություն կունենանք մատչելի գներով ջեռուցել բնակարանները,ստեղծել բնականոն ջերմային ռեժիմ շենքերում:

Կատարված գիտական ուսումնասիրության արդյունքները Գյումրի քաղաքի բնակլիմայական պայմանների համար վկայում են առաջարկվող ջեռուցման ՋԷԿ-ի մեծ արդյունավետության մասին: Գյումրի քաղաքի տնտեսությունը կսկսի զարգանալ: Կստեղծվեն նաեւ նոր աշխատատեղեր:

Ցանկալի նպատակին հասնելու համար կարելի է ստեղծել բաժնետիրական ընկերություն պետական բաժնեմասով եւ խիստ հսկողությամբ: Շահագրգռված կլինեն բոլորը:Աստիճանաբար էներգետիկայի բնագավառում կձեւավորվի փոքր եւ միջին բիզնեսՙ բաժնետոմսերի տեսքով: Այստեղ կարող են իրենց ներդրումները կատարել ե՛ւ Հայաստանի բնակչությունը, ե՛ւ արտասահմանում բնակվող մեր հայրենակիցները:

 
 

«ԱԶԳ» ՕՐԱԹԵՐԹ #24, 22-06-2018

AZG Daily #38, 12-10-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ