RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#012, 2018-03-30 > #013, 2018-04-06 > #014, 2018-04-13 > #015, 2018-04-20 > #016, 2018-04-27

«ԱԶԳ» ՕՐԱԹԵՐԹ #14, 13-04-2018



Տեղադրվել է` 2018-04-13 11:30:25 (GMT +04:00)


Ընթերցված է` 4201, Տպվել է` 440, Ուղարկվել է էլ.փոստով` 0

«ԱԶԳ»Ի ԽՄԲԱԳՐԻ ԴԵՄ ԲԱՑՎԱԾ ԴԱՏԸ ՀԵՏԱՁԳՎԵՑ ԲՈՂՈՔՈՂ ԿՈՂՄԻ ՄԻՋՆՈՐԴՈՒԹՅԱՄԲ

2017թ.-ի հունիսի 27-ին քաղաքացի Սեւակ Հաճի-Հակոբյանը դատական հայց է ներկայացրել Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանՙ ընդդեմ «Ազգ» օրաթերթ ՍՊԸ-ի գլխավոր խմբագիր Հակոբ Ավետիքյանիՙ վիրավորանքը եւ զրպարտությունը հրապարակայնորեն հերքելու, ներողություն խնդրելու եւ փոխհատուցում տրամադրելու պահանջով: Հայցի առիթը մայիսի 25-ին «Azg.am» կայքում հրապարակված «Փորի հատվածի ճարպը եւ սոված ստամոքսը» վերտառությամբ հոդվածն է, որտեղ նշվել էր, որ Ս. Հաճի-Հակոբյանը «վավերական խարդախ» է:

Հունիսի 29-ին հայցն ընդունվել է վարույթ: Նախնական դատական նիստ է նշանակվել հոկտեմբերի 11-ին:

Երեկՙ ապրիլի 12-ին, դատավոր Գայանե Մազմանյանի նախագահությամբ տեղի ունեցավ նշված գործով դատական երկրորդ նիստը, որի ընթացքում պատասխանող կողմի շահերը ներկայացնող փաստաբանըՙ Հայկ Պողոսյանը , նոր փաստթղթեր ներկայացրեց դատարանին, ըստ որոնցՙ Սեւակ Հաճի-Հակոբյանը Լիբանանի Հանրապետությունում մի քանի անգամ դատապարտվել է բանկային չեկերի կեղծման համար, որոնք վավերացվել են Լիբանանի պետական մարմինների կնիքներով եւ Լիբանանում ՀՀ հյուպատոսության հաստատագրով:

Ըստ այդ փաստաթղթերի, Լիբանանի քրեական օրենսգրքի 666-րդ հոդվածով սահմանված հանցակազմով Սեւակ Հաճի-Հակոբյանը 3 անգամ դատապարտված է եղել տարբեր տարիների կատարված վճիռների համաձայն եւ բանտում տարբեր ժամկետներով կրել իր պատիժը:

Ինչպես նշեց «Ազգ»-ի խմբագիր Հակոբ Ավետիքյանի շահերը ներկայացնող փաստաբան Հայկ Պողոսյանը , վերոնշյալ դատավճիռները թարգմանվել են եւ հաստատվել Լիբանանում ՀՀ հյուպատոսության կողմից:

Հայցվոր կողմըՙ Սեւակ Հաճի-Հակոբյանի ներկայացուցիչը, պետք է ապացուցի հայցապահանջի հիմքում դրված պահանջները, պատասխանողը պետք է դատարանում ապացուցի առարկությունների հիմքում դրված բոլոր փաստարկները:

Սեւակ Հաճի-Հակոբյանի ներկայացուցիչ փաստաբանըՙ Արամ Խաչատրյանը դատարանին միջնորդություն ներկայացրեց հետաձգել դատական նիստը, որպեսզի ուսումնասիրի եւ համապատասխան դիրքորոշում հայտնի նրան ներկայացված առարկության տեքստի եւ նոր ապացույցների վերաբերյալ: Դատարանը, ՀՀ քաղաքացիական դատավարության օրենսգրքի համաձայն, բավարարեց հայցվոր կողմի միջնորդությունը, եւ դատական նիստը հետաձգվեց: Հաջորդ նիստը տեղի կունենա հունիսի 14-ին:

 
 

«ԱԶԳ» ՕՐԱԹԵՐԹ #14, 13-04-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ