RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#010, 2018-03-16 > #011, 2018-03-23 > #012, 2018-03-30 > #013, 2018-04-06 > #014, 2018-04-13

«ԱԶԳ» ՕՐԱԹԵՐԹ #12, 30-03-2018



Տեղադրվել է` 2018-03-29 22:39:55 (GMT +04:00)


Ընթերցված է` 2993, Տպվել է` 367, Ուղարկվել է էլ.փոստով` 0

ՊՐՈԿՈՖԵՎՙ ԵՐԿՈՒ ԴԱՇՆԱՄՈՒՐԻ ՀԱՄԱՐ. ՄԱՐԹԱ ԱՐԳԵՐԻԽ, ՍԵՐԳԵՅ ԲԱԲԱՅԱՆ

ԱՆԱՀԻՏ ՀՈՎՍԵՓՅԱՆ, Գերմանիա

Բարձրակարգ երաժշտության մասին ազդարարող KlassikAkzente լրատուն ծանուցում է մարտի 23- ին լույս տեսած Սերգեյ Պրոկոֆեւի (1891- 1953) արժեքավոր ալբոմի մասին: Համաշխարհային ճանաչում ունեցող, վերնագրում ներկայացված երկու երաժիշտ կատարողներն իրար ճանաչում են 30 տարի, ԱՄՆ- ում, Եվրոպայում նրանց բեմական համագործակցությունը համերգային շքեղ երեկոներ է նվիրել երաժշտասերներին, իսկ հիմա համատեղ ձայնագրությամբ հարստացնում են ունկնդրի ձայնադարանը, իրազեկ ենք դառնում «Կլասիկ ակցենտը» կայքէջից, որ մանրամասնում է, թե Բաբայանի հետ համատեղ դաշնամուր նվագելն, Արգերիխի ասելով, նման է «ալքիմիայիՙ բացահայտման»: Իսկ Բաբայանի համար Արգերիխի հետ նվագելըՙ «աստվածային էակի հետ զրույցի»:

Երաժշտագիտակ հիշյալ հարթակը Մարթա Արգերիխին ներկայացնում է իբրեւ «բոլոր ժամանակերի վիթխարի դաշնակահարուհիներից» մեկի եւ բարձր գնահատում Պրոկոֆեւի ստեղծագործությունները 2 դաշնամուրի համար վերադաշնավորած Սերգեյ Բաբայանի մասնագիտական ներուժը: «Ռոմեո եւ Ջուլիետ» բալետի, «Համլետ», «Եվգենի Օնեգին» բեմադրությունների, «Պիկովայա դամա» չհրապարակված ֆիլմի համար գրված երաժշտության (կա տեղեկություն, որ ֆիլմն այրվել է «Մոսֆիլմի» հրդեհի ժամանակ), «Պատերազմ եւ խաղաղություն» օպերայի հայտնի ստեղծագործությունները նորացված տեղ են գտել այս սկավառակում: Բաբայանն իր աշխատանքը նվիրել է արվեստակից Մարթա Արգերիխին: «Այս նախագիծը կայացավ Պրոկոֆեւի, Մարթայի, «Ռոմեո եւ Ջուլիետ» բալետի հանդեպ իմ սիրո շնորհիվ», խոստովանել է Սերգեյ Բաբայանը : «Դոյչե գրամաֆոնի» (Deutsche Grammophon (DG) հրատարակած ձայնասկավառակը նորովի է մեկնաբանում երաժշտության լեզվով հետաքրքրական պատմություններ ներկայացնելու մեծ վարպետ Պրոկոֆեւիՙ մեզ ծանոթ ժառանգությունըՙ երկու երաժիշտների գունեղ, վիրտուոզ, դինամիկ, զգայուն, վառ արտահայտչականությամբ հարուստ կատարման շնորհիվ:

 
 

«ԱԶԳ» ՕՐԱԹԵՐԹ #12, 30-03-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ