RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-09-29 22:10:08Ստեփանակերտում սպասում են հայկական բանակի փառահեղ հաղթանակին
2020-09-25 22:24:39ՌԴ «Կապուստին Յար» զորավարժարանում ավարտվեց «Կովկաս-2020» զորավարժությունների հիմնական փուլը
2020-09-25 21:44:02Պատժել ցանկացած լկտի դրսևորում թշնամու կողմից… (տեսանյութ)
2020-09-25 20:53:27Բաքուն Արցախի ժողովրդին չի կարող շեղել ընտրած ճանապարհից. ԱՀ նախագահ Հարությունյան
2020-09-25 20:00:50«Շատ արագ են կատարում». Ծառուկյանի կալանավորման հարցի վերաբերյալ որոշումը կհրապարակվի այսօր
#044, 2017-11-24 > #045, 2017-12-01 > #046, 2017-12-08 > #047, 2017-12-15 > #048, 2017-12-22

«ԱԶԳ» ՕՐԱԹԵՐԹ #46, 08-12-2017



Տեղադրվել է` 2017-12-07 23:50:39 (GMT +04:00)


Ընթերցված է` 12610, Տպվել է` 1638, Ուղարկվել է էլ.փոստով` 0

ՆԱՄԱԿ ԽՄԲԱԳՐՈՒԹՅԱՆԸ

ԿԱՐԵՆ ՀՈՎՀԱՆՆԻՍՅԱՆ, Երեւան

Հարգելի խմբագրություն

Անկեղծ ասած, կարդալով Խորհրդային Հայաստանի նախկին փոխվարչապետ Մկրտիչ Մկրտչյանիՙ Ձեր թերթում հրապարակված հարցազրույցը, տխրեցի: Ես էլ եմ խորհրդային սերնդի մարդ եւ երանությամբ եմ հիշում երբեմնի բարեկեցիկ, ապահով, զարգացած երկիրը: Մեկ պետության շրջանակում Հայաստանի ղեկավարությունը կարողանում էր լեզու գտնել Մոսկվայի հետ եւ հսկայական քայլերով առաջ տանել ու շենացնել երկիրը: Իսկ այսօր մենք նույն Մոսկվայից կախված ենք հենց ազգի անվտանգության, ազգի գոյատեւման իմաստով: Այս անկախություն կոչեցյալից շահեց միայն կառավարող խավը, բայց ոչ հասարակ մարդը:

Մկրտչյանն առաջարկում է ստեղծել Հայաստանի եւ սփյուռքի ճանաչված մարդկանցից կազմված հասարակական կազմակերպություն, որն ընդունակ լինի որեւէ ձեւով վերահսկելու երկրի ղեկավարության գործունեությունը: Հնչում է որպես հուսահատության ճիչ, հատկապես ներկայումս, երբ լրիվ ջաջախջված է ընդդիմությունը: Ես նույնիսկ չեմ կարողանում գտնել այն հարցի պատասխանը, թե ինչու է մեր ժողովուրդը այսքան անողնաշար ընդդեմ ղեկավարության վոլյունտարիզմի, ագահության ու անպատասխանատվության: Իրավացի է Մկրտչյանըՙ կիսվել է ազգի քանակը, սակայն երեք նախագահներից եւ ոչ մեկը այդպես էլ ապաշխարանք չքաշեց դրա համար:

Այո, պետք է ստեղծել Հայաստանի գոնե նորացման, երիտասարդացման հասարակական կազմակերպություն: Հայաստանի փրկության ինչ-որ մի բան իրոք պետք է ձեռնարկել: Մի բան հաստատ է. եթե առաջիկա վարչապետական որոնումներում չերեւան Մկրտչյանի երազած նոր երիտասարդ սերնդի ներկայացուցիչներՙ վարչապետից սկսած, ապա արտագաղթը կկրկնապատկվի ու կեռապատկվի: Զզվել է ժողովուրդը այս անհեռանկար կյանքից:

Բոլորովին չեմ կասկածում, որ Մկրտչյանի սիրտը իրոք անկեղծորեն ցավում է Խորհրդային Հայաստանի նույնիսկ բեկորները չպահպանած «անկախ» Հայաստանի ներկա կործանում տանող իրավիճակի համար: Եվ եթե նա առաջարկում է ստեղծել ազգափրկիչ մի կազմակերպություն, ապա ճիշտ կլինի, որ հենց ինքն էլ ձեռնարկի ու ղեկավարի այդ մարմինը: Տարիքի բերումով է՛լ ավելի իմաստնացած փորձառու քաղաքագետը կարող է օգտակար լինել իր ժողովրդին:

 
 

«ԱԶԳ» ՕՐԱԹԵՐԹ #46, 08-12-2017

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ