RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#003, 2016-01-29 > #004, 2016-02-05 > #005, 2016-02-12 > #006, 2016-02-19 > #007, 2016-02-26

«ԱԶԳ» ՕՐԱԹԵՐԹ #5, 12-02-2016



Տեղադրվել է` 2016-02-17 14:56:12 (GMT +04:00)


Ընթերցված է` 1278, Տպվել է` 18, Ուղարկվել է էլ.փոստով` 11

ԴԻԱՐԲԵՔԻՐԻ ՔՐԻՍՏՈՆՅԱՆԵՐԸ ԵՐԿՈՒ ՔԱՐԻ ԱՐԱՆՔՈՒՄ

Հ. Ծ.

Քրդերի անպաշտոն մայրաքաղաք համարվող Դիարբեքիրի կենտրոնում գտնվող հնամենի Սուր շրջանում իրադրությունը ամեն ժամ կարող է փոխվել, խաղաղ օրը կարող է ավարտվել պատերազմական գործողություններով: Շրջանը, որն այժմ ավերակների է վերածված, պաշարված է տանկերով եւ զրահապատ մեքենաներով հանդերձավորված թուրքական բանակային ուժերի կողմից, իսկ ներսում Քուրդիստանի աշխատավորական կուսակցության «հայրենասեր-հեղափոխական երիտասարդների շարժումը» (YDG-H), որն «ինքնիշխանություն» է հայտարարել շրջանի մեծ մասում, երիտասարդներին հորդորել է խրամատներ փորել եւ բարիկադներ կառուցել դիմադրություն ցույց տալու համար: Բնակչության կեսից ավելին փախել է այլ վայրեր, եւ չնայած որոշակի փաստերիՙ շատ քիչ տեղեկություններ են հաղորդվում տեղի քրիստոնյաների տառապանքների մասին: Քաղաքի երբեմնի կենսունակ, բազմահավատ համայնքները քայքայվել են:

Այս եւ այլ մանրամասների շուրջ թուրքական «Ալ Մոնիտորի» թղթակից Ամբերին «Զամանի» հետ հարցազրույցի ժամանակ խոսել է Սուրբ Կիրակոս հայկական եկեղեցու խնամատիրությունը 2012-ից հանձն առած Գաֆուր Թուրքայը : «Մենք այժմ գտնվում ենք երկու քարի, PKK-ի եւ պետության արանքում: Բռնությունների շարունակական բնույթի հետեւանքով ստիպողաբար փակել ենք եկեղեցին: Մտադիր էինք եկեղեցու տարածքում թանգարան բացել, բայց հրաժարվեցինք այդ մտքից: Մոտակայքում գտնվող սրճարանը, որ հարյուրավոր այցելուների էր սպասարկում եւ ձեռք բերած եկամուտով հոգում եկեղեցու կարիքները, այժմ ամայացած վայր է դարձել: Տասնյակ հազարավոր հայեր Ցեղասպանությունից հետո մահմեդականություն ընդունեցին անխուսափելի մահվանից խուսափելու համար: Բայց շուրջ բոլորը գիտեին, որ նրանք հայեր են: Մեր դժբախտությունն այն է հիմա, որ մեզ երբեք էլ որպես իսկական մահմեդականների չեն ընդունել, ոչ էլ հայերն են մեզ որպես իսկական հայեր ընդունել: Մենք երկուսի արանքում ենք հայտնվել», ասել է նա:

«Թշնամանքի պատճառը մեր երիտասադրների խրամատներ փորելը չէ: Դա ընդամենը հետեւանքն է այն բանի, որ կառավարությունը քուրդերին որպես հավասարի չի ընդունում», ավելացրել է Սուրի նախկին քաղաքապետ Աբդուլլահ Դեմիրբաշը , ով հայ-քրդական համերաշխության կոչ է անում, եւ ով Սբ.Կիրակոս եկեղեցու վերանորոգման համար դրամահավաքի նախաձեռնողներից է եղել: Նրան բազմիցս բանտարկել են կառավարությանը դեմ գնալու եւ ահաբեկչական խմբավորումներին անդամակցելու մեղադրանքով:

Իսկ բողոքական եկեղեցու հովիվ Ահմետ Գուվեները նշում է, որ լարված դրության պատճառով քրիստոնյաները ստիպված են եղել այս տարի Սբ. Ծննդյան տոները այլ վայրերում նշել: «Շատ տխուր անցավ: Եթե այսպես շարունակվիՙ համայնքը մահանալու է: Իսլամական պետությունը մեզՙ «անհավատներիս» սպառնալիք է համարում: Այդ մասին տեսաժապավենը առցանց հեռասփռվում է, իսկ կառավարությունը ոչինչ չի ձեռնարկում»:

 
 

«ԱԶԳ» ՕՐԱԹԵՐԹ #5, 12-02-2016

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ