RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#033, 2014-10-24 > #034, 2014-10-31 > #035, 2014-11-07 > #036, 2014-11-14 > #037, 2014-11-21

«ԱԶԳ» ՕՐԱԹԵՐԹ #35, 07-11-2014



Տեղադրվել է` 2014-11-06 23:37:45 (GMT +04:00)


Ընթերցված է` 1171, Տպվել է` 16, Ուղարկվել է էլ.փոստով` 27

ՕԲԱՄԱՅԻ ՎԱՐԿԱՆԻՇՆ ԱՆՆԱԽԱԴԵՊ ՑԱԾՐ Է

Պ. Ք.

ԱՄՆ-ի նախագահ Բարաք Օբամայի վարկանիշն իջել է աննախադեպ ցածր մակարդակի: ABC News հեռուստաալիքի եւ Washington Post թերթի անցկացրած համատեղ հարցման տվյալների համաձայն, նախագահի գործունեությունը դրական է գնահատում ամերիկացիների ընդամենը 44 տոկոսը:

2014 թ. հունվարին այդ ցուցանիշը կազմում էր 49 տոկոս, իսկ նրա նախագահական երկրորդ ժամկետի սկզբումՙ 60 տոկոս: ԱՄՆ-ի չափահաս բնակչության կեսից ավելինՙ 53 տոկոսը բացասաբար է վերաբերվում Օբամայի գործունեությանը:

Հարցման ենթարկված եւ ցածր վարձատրվող ամերիկացիների մոտավորապես 46 տոկոսը կարծում է, թե Օբաման հասկանում է իրենց դժվարությունները: Եվս 46 տոկոսը կարծում է, թե նա ուժեղ առաջնորդ է, իսկ 52 տոկոսը դրական է գնահատում նրա կառավարչական հատկանիշները:

Հարցումն անցկացվել է ԱՄՆ Կոնգրեսի միջակա ընտրությունների (նոյեմբերի 4-ի) նախօրեին:

Եգիպտոսի ջիհադիստները համերաշխվեցին «Իսլամական պետության» հետ

Եգպիպտացի ջիհադիստների «Անսար Բեյթ ալ Մակդիս» արմատական խմբավորումը հավատարմության երդում է տվել «Իսլամական պետությանը»: Այդ մասին հաղորդում է Ռոյթեր գործակալությունը:

«Մենք որոշեցինք հավատարմության երդում տալ «Իսլամական պետության» առաջնորդ Աբու Բաքր ալ Բաղդադիին», ասվում է եգիպտացի գրոհայինների հայտարարության մեջ: Նրանք նաեւ նշել են, որ իրենք հավանություն են տալիս Սիրիայում եւ Իրաքում «Իսլամական պետության» գործողություններին:

Ավելի վաղ քանիցս տեղեկություններ էին ստացվել այն մասին, որ «Ալ Ղաիդային» ենթակա «Անսար Բեյթ ալ Մակդիս» խմբավորման գրոհայինները «Իսլամական պետության» հետ համաձայնեցնում են իրենց հարձակումները Եգիպտոսի ուժային կառույցների ներկայացուցիչների վրա:

ԻՏԱՌ-ՏԱՍՍ գործակալությունը հիշեցնում է, որ հոկտեմբերի սկզբներին «իսլամական պետության» գրոհայիններին իրենց օգնությունն էին առաջարկել «Թալիբան» շարժման ներկայացուցիչները: Նրանք նշել էին, որ իրենք հպարտանում են այն պայքարով, որ «Իսլամական պետությունը» մղում է ԱՄՆ-ի գլխավորած միջազգային կոալիցիայի դեմ: Թալիբները նաեւ հայտարարել էին, որ իրենք պատրաստ են օգնություն ցուցաբերել համաշխարհային Իսլամական խալիֆայության ստեղծման գործում:

 
 

«ԱԶԳ» ՕՐԱԹԵՐԹ #35, 07-11-2014

AZG Daily #43, 15-11-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ