RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-10-18 11:53:59Ադրբեջանցիները հայ երիտասարդին ներկայացնում են որպես վարձկան
2020-10-17 20:20:41“Որտեղից Հայաստանին այսքան զենք” Ալիև
2020-10-17 16:50:17Սուտ է. ՀՀ-ը մաքսանենգ ճանապարհով քաղաքացիական ինքնաթիռներով զինամթերք չի տեղափոխել
2020-10-17 09:58:11Ադրբեջանական ԱԹՍ-ները հարվածել են ՀՀ տարածքին
2020-10-16 18:35:07Российско- Армянские стратегические взаимоотношения никто не отменял
#021, 2014-07-18 > #022, 2014-07-25 > #023, 2014-08-01 > #024, 2014-08-22 > #025, 2014-08-29

«ԱԶԳ» ՕՐԱԹԵՐԹ #23, 01-08-2014



Տեղադրվել է` 2014-08-09 21:17:36 (GMT +04:00)


Ընթերցված է` 1176, Տպվել է` 16, Ուղարկվել է էլ.փոստով` 13

ՉՆԱՅԱԾ ՊԱՏԺԱՄԻՋՈՑՆԵՐԻՆՙ Exxon-Ը ՀՈՐԱՏՈՒՄ ԿՁԵՌՆԱՐԿԻ ՌՈՒՍԱԿԱՆ ԱՐԿՏԻԿԱՅՈՒՄ

Պ. Ք.

Սպասվում են 500 մլրդ դոլար ներդրումներ

Ամերիկյան նավթային խոշորագույն ընկերություններից մեկըՙ Exxon Mobil-ը, պատրաստվում է հորատան աշխատանքներ սկսել Հյուսիսային Սառուցյալ օվկիանոսի ռուսական մասումՙ անտեսելով Ուկրաինայի ճգնաժամի պատճառով ԱՄՆ-ի ու Եվրոմիության ձեռնարկած հակառուսական տնտեսական պատժամիջոցները: Այս կապակցությամբ ֆրանսիական «Մոնդ» ազդեցիկ օրաթերթը գրում է, որ պատժամիջոցները սահմանափակ են եւ, ըստ երեւույթին, գրեթե չեն դիպչում արեւմուտքցի եւ ռուսաստանցի արդյունաբերողների փոխկապակցված շահերին:

Exxon-ը արդեն սկսել է West Alpha հորատման հարթակը Նորվեգիայից տեղաշարժել դեպի Կարայի ծովՙ դեպի Ռուսաստանի հյուսիսային ափերը: Ռոյթեր գործակալության տվյալներով, հարթակը վարձակալված է մինչեւ 2016 թվականի առաջին եռամսյակը:

Հետախուզական հորատումների այդ աննախադեպ ու վիթխարի արշավը Exxon-ի ռուսական «Ռոսնեւտ» պետական նավթային ընկերության դաշինքի արդյունքն է: Այդ համագործակությունը 2011 թ. օգոստոսի 30-ին Սոչիում վավերացվեց նախագահ Վլադիմիր Պուտինի հովանավորությամբ:

Exxon-ի ղեկավարությունը գոհունակությամբ նշում է, որ երկկողմ պայմանավորվածությունների համաձայն, հորատումների ընթացքում նավթի հայտնաբերման դեպքում ընկերությունը կարող է իրականացնել մինչեւ 500 մլրդ դոլարի հասնող ներդրումների ծրագիր:

Նավթարդյունահանման ծավալների կրճատման պատճառով ծանր վիճակում հայտնված Արեւմուտքի նավթային խոշոր ընկերությունները շտապում են ներդրումներ կատարել Ռուսաստանումՙ ինչպես Արկտիկայում, այնպես էլ «թերթաքարային» ածխաջրածինների ոլորտում, արձանագրում է «Մոնդը»: Մի շարք նավթահանքերի արդյունավետության նվազման պատճառով համանման վիճակում հայտնված Ռուսաստանը իր հերթին կարծես թե այլընտրանք չունիՙ բացի այդ խոշոր ընկերություններին ընդառաջելուց:

 
 

«ԱԶԳ» ՕՐԱԹԵՐԹ #23, 01-08-2014

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ