RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-10-20 14:48:57ԵԽ հույն պատգամավորը կոչ է արել վիզային սահմանափակումներ մտցնել ադրբեջանցիների համար եւ վիզաների չեղարկում՝ հայերի համար
2020-10-18 11:53:59Ադրբեջանցիները հայ երիտասարդին ներկայացնում են որպես վարձկան
2020-10-17 20:20:41“Որտեղից Հայաստանին այսքան զենք” Ալիև
2020-10-17 16:50:17Սուտ է. ՀՀ-ը մաքսանենգ ճանապարհով քաղաքացիական ինքնաթիռներով զինամթերք չի տեղափոխել
2020-10-17 09:58:11Ադրբեջանական ԱԹՍ-ները հարվածել են ՀՀ տարածքին
#021, 2014-07-18 > #022, 2014-07-25 > #023, 2014-08-01 > #024, 2014-08-22 > #025, 2014-08-29

«ԱԶԳ» ՕՐԱԹԵՐԹ #23, 01-08-2014



ՇՈՒԿԱ

Տեղադրվել է` 2014-08-09 21:17:36 (GMT +04:00)


Ընթերցված է` 1567, Տպվել է` 20, Ուղարկվել է էլ.փոստով` 13

ԱՆՇԱՐԺ ԳՈՒՅՔԻ ԳՆԵՐԸ ՏԱՐՎԱ ԱՌԱՋԻՆ ԿԵՍԻՆ ԳՐԵԹԵ ԱՆՓՈՓՈԽ ԵՆ

ԱՐԱ ՄԱՐՏԻՐՈՍՅԱՆ

Որո՞նք են այս շուկայի ներկա իրավիճակի ձեւավորման պատճառները

Բնակարանների եւ անհատական տների գները Երեւանում եւ մարզերում գրեթե անփոփոխ են նախորդ տարվա ինչպես առաջին, այնպես էլ երկրորդ կիսամյակների հանդեպ: 2014-ի առաջին կիսամյակում Հայաստանի անշարժ գույքի շուկայում կատարվել է 100222 գործարք` 2,7 տոկոսով քիչ 2013-ի երկրորդ կիսամյակի եւ 14,3 տոկոսով ավելի 2013-ի առաջին կիսամյակի համեմատ: Անշարժ գույքի կադաստրի պետական կոմիտեի` շուկայի վերլուծության տվյալների համաձայն, դրանցից 24746-ը օտարման գործարքներն են, որոնցից էլ 75,7 տոկոսը առքուվաճառքներինն է: Օտարման գործարքները նույնպես 2013-ի երկրորդ կիսամյակի համեմատ նվազել են` 7,3 տոկոսով, 2013-ի առաջին կիսամյակի նկատմամբ աճել` 12,4 տոկոսով: Ինչպես միշտ գործարքների մեծ մասը կատարվել է Երեւանում` 41,1 տոկոս, իսկ օտարվող գույքի մեծ մասն էլ` մոտ 39 տոկոսը, բնակարաններն են:

Բնակարանների եւ անհատական տների գները Երեւանում

Մայրաքաղաքում 7614 առքուվաճառքի գործարքների 62,5 տոկոսն արձանագրվել է բազմաբնակարան շենքերի բնակարանների նկատմամբ: 2013-ի առաջին կիսամյակի համեմատ գործարքների քանակն աճել է 23,3 տոկոսով, երկրորդ կիսամյակի համեմատ` նվազել 5,2 տոկսով:

Բնակարանների շուկայական միջին գները Երեւանում 2014-ի առաջին կիսամյակում 2013-ի առաջին կիսամյակի համեմատ աճել են 1,3 տոկոսով, երկրորդ կիսամյակի համեմատ` 0,3 տոկոսով : Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.

Վարչական շրջաններՄիջին գներ (դրամ) 2013թ. առաջին կիսամյակՄիջին գներ (դրամ) 2014 թ. առաջին կիսամյակՄիջին գներ (դրամ) 2013 թ. երկրորդ կիսամյակ
Կենտրոն426000428000428000
Արաբկիր353700356600356600
Քանաքեռ-Զեյթուն281250282700282500
Նոր-Նորք248000252300251500
Ավան257200260100259600
Էրեբունի246900250700249300
Շենգավիթ252550256100255200
Դավթաշեն272150275150274800
Աջափնյակ244800249500248400
Մալաթիա-Սեբաստիա237500242000 241500
Նուբարաշեն149000155200152800
Միջինը Երեւանում 269900273500272700

2014-ի առաջին կեսին Հայաստանում գրանցվել է անհատական տների առքուվաճառքի 2521 գործարք, որից 656-ը` Երեւանում: Մայրաքաղաքում 2013-ի առաջին կիսամյակի համեմատ գործարքների քանակն աճել է 10,4 տոկոսով, երկրորդ կիսամյակի համեմատ` նվազել 14,6 տոկսով:

Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2014-ի առաջին կիսամյակում 2013-ի առաջին կիսամյակի համեմատ աճել են 0,5 տոկոսով, երկրորդ կիսամյակի համեմատ` մնացել անփոփոխ: Ըստ Երեւանի վարչական շրջանների, գներն այսպիսին են եղել.

Վարչական շրջաններՄիջին գներ (դրամ) 2013թ. առաջին կիսամյակՄիջին գներ (դրամ) 2014 թ. առաջին կիսամյակՄիջին գներ (դրամ) 2013 թ. երկրորդ կիսամյակ
Կենտրոն474400476100476100
Արաբկիր381300383000383000
Քանաքեռ Զեյթուն293600295000295000
Նորք Մարաշ317600319200319200
Ավան269400270500270500
Էրեբունի 238200239750239500
Շենգավիթ253700 255000255000
Դավթաշեն274700 276000276000
Աջափնյակ248400 250050250050
Մալաթիա-Սեբաստիա236800238000238000
Նուբարաշեն 149400150800 150800
Միջինը Երեւանում285200 286600286600

Երեւանից հետո ամենաթանկը Ծաղկաձորի, Աբովյանի եւ Վաղարշապատի տներն են

Մարզերում, բացառությամբ Երեւանը, 2014-ի հունվար-հունիսին վաճառվել են 2226 բնակարաններ, որոնց միջին գները 2013-ի առաջին կիսամյակի համեմատ աճել են 1,3 տոկոսով, երկրորդ կիսամյակի համեմատ` 0,3 տոկոսով:

Երեւանից հետո, ամենաթանկ բնակարանները այս տարվա առաջին կեսին եղել են Ծաղկաձորում, որտեղ 1 քմ մակերեսի շուկայական գինը կազմել է 292 հազար դրամ։ Աբովյանում 1 քմ գինը 155 հազար հազար դրամ է կազմել, Վաղարշապատում (Էջմիածնում)` 154 հազար հազար դրամ, Նոր Հաճընում` 128 հազար դրամ, Եղեգնաձորում` 125 հազար դրամ, Գորիսում` 122 հազար դրամ, Արմավիրում` 121 հազար դրամ, Իջեւանում 118 հազար դրամ 1 քմ դիմաց ցուցանիշներով։

Մարզերում անցյալ տարի վաճառվել են 1865 անհատական տներ: Միջինացված` 200 քմ շինության եւ 1000 քմ տնամերձ մակերեսով անհատական տների միջին գները մարզերում 2013-ի առաջին կիսամյակի համեմատ աճել են 0,4 տոկոսով, երկրորդ կիսամյակի համեմատ` մնացել անփոփոխ: Ամենաթանկ անհատական տները դարձյալ Ծաղկաձորում են` 1 քմ-ն 305 հազար դրամ: Երկրորդը Աբովյանն է, որտեղ 1 քմ-ն կազմել է 157 հազար դրամ, երրորդը Վաղարշապատն է 1 քմ-ն 153 հազար դրամ: Ապա գալիս են Աշտարակըՙ 136 հազար դրամ, Գորիսըՙ 130 հազար դրամ, Նոր Հաճնըՙ 129 հազար դրամ, Իջեւանը 123 հազար դրամ, Եղվարդը` 116 հազար դրամ 1 քմ դիմաց:

Հիպոթեկային գործարքները արտացոլում են շուկայի ընդհանուր պատկերը

Հողի շուկայում հետեւյալ պատկերն է` 2014-ի առաջին կիսամյակում 2013-ի առաջին կիսամյակի համեմատ, հողերի առուվաճառքի գործարքների քանակն աճել է 12,3 տոկոսով, աճուրդով վաճառքներինը` 11,6 տոկոսով:

2013-ին իրականացվել են հիփոթեքային գրավադրման 1001 գործարքներ, որից 667-ը` Երեւանում: 2013-ի առաջին կիսամյակի համեմատ հիփոթեքային գրավադրման գործարքների քանակը Երեւանում աճել է` 21,3 տոկոսով, իսկ մարզերում` 29,5 տոկոսով, երկրորդ կիսամյակի համեմատ` Երեւանում նվազել է 11,7 տոկոսով, մարզերում` աճել 0,6 տոկսով: Պատկերն այստեղ նման է անշարժ գույքի շուկայի ընդհանուր վիճակին, աճ` նախորդ տարվա առաջին կիսամյակի, նվազում` երկրորդ կիսամյակի նկատմամբ:

Վաճառողը հրաժարվում է իր գույքը վաճառելուց` «մինչեւ ավելի լավ ժամանակներ»

Դատելով այս տարվա առաջին կեսին անշարժ գույքի գործարքների քանակից եւ գներից, կարելի է եզրակացնել, որ այստեղ էական առաջընթաց կամ հետընթաց չի արձանագրվել: Գործարքների քանակի որոշակի ավելացում, գների աննշան աճ կամ դրա բացակայություն: Սա է ընդհանուր պատկերը, որն ունի իր բացատրությունը:

Տնտեսական աճի տեմպետն այնպիսին չեն, որ նկատելի ազդեցություն ունենան նաեւ անշարժ գույքի շուկայի վրա: Այս շուկան շատ արագ է արձագանքում տնտեսական անկմանը եւ շատ դանդաղ` տնտեսական զարգացմանը: Այնուհետեւ, մինչեւ ճգնաժամը մեր երկրի տնտեսական երկնիշ աճի հիմնական շարժիչը շինարարությունն էր, որն էլ խթանում էր անշարժ գույքի շուկայի բարձր տեմպերով զարգացմանը: Շինարարության անկումը ճգնաժամին հաջորդող տարիներին չվերականգնվեց: Ուստի, անշարժ գույքի շուկան չէր կարող վերականգնել իր նախաճգնաժամային վիճակը: Այսինքն, կարեւոր նշանակություն ունի նաեւ տնտեսական աճի կառուցվածքը` թե որ ճյուղերի հաշվին է դա տեղի ունենում:

Միեւնույն ժամանակ, առկա է եւս մեկ միտում: Անշարժ գույք վաճառողների գերակշիռ մասը իր գույքի արժեքը սահմանում է ելնելով նախաճգնաժամային գներից: Մինչդեռ, շուկակայան գներն այժմ այլ են: Տեսնելով, որ իր ցանկացած գնով գույքը չի վաճառվում, վաճառողը հրաժարվում է այն վաճառելուց` «մինչեւ ավելի լավ ժամանակներ»: Արդյունքում, ավելի քիչ գործարքներ են տեղի ունենում, ավելի ցածր գներով, որոնք էլ ձեւավորում են ներկայիս շուկայական միջին գները եւ շուկայի ներկա կացությունը:

 
 

«ԱԶԳ» ՕՐԱԹԵՐԹ #23, 01-08-2014

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ