RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#214, 2013-12-07 > #215, 2013-12-10 > #216, 2013-12-11 > #217, 2013-12-12 > #218, 2013-12-13

«ԱԶԳ» ՕՐԱԹԵՐԹ #216, 11-12-2013



Մշակույթ

Տեղադրվել է` 2013-12-10 23:36:21 (GMT +04:00)


Ընթերցված է` 775, Տպվել է` 25, Ուղարկվել է էլ.փոստով` 8

ՊԱՏԱՆԻ ՆՈՐ ՏԱՂԱՆԴՆԵՐ

ՅԱԿՈԲ ՎԱՐԴԻՎԱՌԵԱՆ, Նիւ Եորք

Հոգեպարար երեւոյթ էր ներկայ գտնուիլ Դեկտեմբեր 1-ին Նիւ Եորքի Գարնըկի Հոլի «Ուէյլ» համերգասրահը, ուր 5րդ յաջորդական տարին ըլլալով ամերիկահայ պատանի տաղանդներ կը մասնակցէին երաժշտական աւարտական մրցանքին: Անոնք իրենց տաղանդովը կը ներկայանային հանրութեան: Պատանի ուժեր, որոնք պիտի դառնան վաղուան հպարտութիւնը մեր դարաւոր ազգային ժառանգութեան:

Տոքթ. Սվետլանա Ամիրխանեանի գլխաւորած «Ուղիղ օգնութիւն հայութեան» խմբաւորումին նախաձեռնութիւնն էր այս ամէնամեայ համերգը, որուն ցարդ մանակցած են 300_է աւելի պատանինիներ` երգով թէ երաժշտական գործիքով: Աննահանջ ու հետեւողական աշխատանքի արքասիքն է անկասկած տարուէ-տարի յաջողութիւն արձանագրած այս օգտակար ծրագիրը:

Թէեւ գործադիր մարմինը կը բաղկանայ երեք հոգիէՙ ներառելով Մարինա Պաղտասարովան ու Անժելա Քազարեանը, սակայն ունի պատուոյ մարմին մը, ուր բոլորուած են ամերիկահայ ծանօթ արուեստագէտներ, բարերարներ ու ազգայիններ` Լուսին Ամարա, Յասմիկ Աբրահամեան, Շահան Արծրունի, Նայիրի Չեքոսքի-Պալեան, Ռիթա Պալեան, Զարմինէ Պօղոսեան, Հրանդ Կիւլեան, Կարէն Կակոսեան, Կիլտա Քիւբելեան, Արտեմիս Նազարեան, դեսպան Կարէն Նազարեան, Հերի Թուֆայեան եւ Յակոբ Վարդիվառեան: Այս մարմնին կողքին կայ դատական յանձնախումբ մը:

Այս տարուան համերգը նուիրուած էր անմահանուն Արամ Խաչատուրեանին, անոր ծննդեան 110-ամեակին առթիւ: Հայ ժողովուրդին պարծանքը եղող Խաչատուրեան կրցաւ հայ երաժշտութիւնը լսելի դարձնել մեծագոյն համերգասրահներու բեմերէն եւ ձայնասփիւռի կայաններէն: Անոր գործերը կը պահեն երէկի իրենց նո՛յն թարմութիւնը եւ արդէն վարպետը անցած է մեծ դասականներու մեծ ընտանիքէն ներս:

10 տարեկանէն մինչեւ 18 տարեկան հայ պատանիներու կողքին մասնակցեցան նաեւ ոչ հայ (իտալացի, քորէացի, ռուս, իրլանտացի, լիբանանցի ծնունդով) տաղանդաւոր ուժեր, որոնք նուագեցին Խաչատուրեանի գործերէն (Նիքօ Քարերա` «Լեզքինկա»ն, Անսել Չանկ` «Վալսը` Զօ Փիան-Չոտուրի` «Տանց», Իրեն Վիլկորին` «Տոկատա) եւ երգեցին ժողովրդական «Աղբիւրի մօտ»` Ճուլիա Գամինկ: Մայքըլ Խուրի սքանչելիօրէն ու ապրումով դաշնամուրի վրայ նուագեց ամերիկեան ջազային երաժշտութենէն ի մի բերուած ստեղծագործութիւն մը:

Բայց, այս բոլորով մէկ պէ՛տք ենք յիշել մասնաւորաբար Դաւիթ Անթապեանը, որ սքանչացուց ներկաները Խաչատուրեանի «Սոնատա»ով, Անի Մուրատեանը` Բաբաջանեանի «Տոկատինա»ով, Լուսին Միւսայէլեանը` Կոմիտասի «Կռունկ»ով, Հայկ Յովսէփեանը` Սարդարեանի «Հայկական էսքիզներ»ով, Մարինա եւ Իվա Քազարեանները Քոհլերի «Դհը Ուոնդերըր»ով եւ դեռ աւելի երիտասարդները`Ալին եւ Նիքոլ Խրիմեանները, Վահէ Մուրատեանը, Ամալիա Շահինեանը, Դաւիթ Յովհաննիսեանը ...:

Ջութակահար Դիանա Վասիլեանի ղեկավարութեամբ պատանի ջութակահարները` եօթը հոգի, ներկայացուցին Օֆենբախի «Կանկան»ը եւ Բաբաջանեանի «Յիշատակներ»ը, զարմացնելով ներկաները:

Տօնական օրերու նուէր մըն էր, որ մեզի նուիրեցին մեր նորահաս տաղանդները: Այդ մթնոլորտով ալ հաւաքուած ներկաները, անգամ մը եւս հոգեպէս հարստացած, վերադարձան տուն:

Մեր ժողովուրդը, հայրենիքէն մղոններ հեռու, կը շարունակէ պահել իր ազգային մշակութային արժէքները: Ինչո՞ւ անոնք հո՛ս «օտարեւամայի ճամբէքի վրայ» կ՛ապրին արդեօք:

Մե՜ղք մեր ցրուած տաղանդներուն:

 
 

«ԱԶԳ» ՕՐԱԹԵՐԹ #216, 11-12-2013

AZG Daily #11, 20-03-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ