RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ՄԵՐ ԸՆԹԵՐՑՈՂՆԵՐԻՆ

«ԱԶԳ»ի խմբագրությունը ողջունում է իր բոլոր ընթերցողներին՝ Հայաստանում, թե Սփյուռքում։ Եվ երկու շաբաթ տեւած պարապուրդից հետո հայտնում, որ մեր թերթը անցնում է բացառապես համացանցային տիրույթ՝ առցանց (on-line) ռեժիմի, ներկա դժվարին օրերին կրկին լինելու իր ընթերցողների հետ՝ տեղական, տարածաշրջանային ու համաշխարհային լրատվությամբ, քաղաքական, սոցիալական ու մշակութային նորություններով, կարծիքների ու տեսակետների մատուցմամբ։ Մեր թղթակիցները ոչ միայն Հայաստանից, այլեւ Մոսկվայից, Գերմանիայից, Չեխիայից, Բելգիայից, Լիբանանից, Միացյալ Նահանգներից, Կանադայից եւ այլ վայրերից տեղյակ կպահեն ձեզ կորոնավիրուսի համավարակի հետեւանքների, դրա դեմ պայքարի միջոցների ու կերպերի մասին։ Հետեւեք www.azg.am կայք-էջին, մեր լուրերին, մեր տարաբնույթ նյութերին, գրեք մեզ։
#212, 2013-12-05 > #213, 2013-12-06 > #214, 2013-12-07 > #215, 2013-12-10 > #216, 2013-12-11

«ԱԶԳ» ՕՐԱԹԵՐԹ #214, 07-12-2013



Տեղադրվել է` 2013-12-06 23:25:50 (GMT +04:00)


Ընթերցված է` 1276, Տպվել է` 27, Ուղարկվել է էլ.փոստով` 18

ԱՎԵԼԱՆՈՒՄ ԵՆ ԵՐԵՎԱՆԻ ՏՐԱՆՍՊՈՐՏԱՅԻՆ ԵՐԹՈՒՂԻՆԵՐԻՑ ՀՐԱԺԱՐՎՈՂՆԵՐԸ

Ա. Մ.

Երեւանի տրանսպորտային երթուղիները սպասարկող ընկերությունները գործադուլ կանեն եւ ուղեւորներին չեն փոխադրի, եթե Երեւանի քաղաքապետարանը չբարձրացնի երթեւեկության սակագինը: Այս մասին երեկ տեղի ունեցած մամուլի ասուլիսի ժամանակ ասաց Հայաստանի փոխադրողների միության նախագահ Հրանտ Եղիազարյանը: Փոխադրող կազմակերպություններն առաջարկում են սահմանել 150 դրամ ուղեւորավճար, իսկ 50 դրամ լրավճարը տրամադրվի պետության կողմից, քանի որ իրենց հաշվարկներովՙ տրանսպորտի սակագինը պետք է լինի 200 դրամ:

Փոխադրողների միության նախագահն իր դժգոհությունը հայտնեց Երեւանի քաղաքապետարանից, քանի որ վերջինս խոստացել էր մինչեւ տարեվերջ իրենց պատասխան տալ, թե որքան է լինելու ուղեվարձը, մինչդեռ այդ նպատակով ստեղծված հանձնաժողովը ընդամենը երկու նիստ է գումարել: Իրենց նամակին ի պատասխան, ըստ Հրանտ Եղիազարյանի, քաղաքապետարանից հայտնել են, որ դեկտեմբերին կլինի երրորդ նիստը, որի ժամանակ տրանսպորտային ծախսերը կհամադրվեն ուղեւորահոսքերի հետ եւ կորոշվի ուղեվարձը:

«Այսպես շարունակել հնարավոր չէ: Փոխադրող կազմակերպությունները վնասով են աշխատում», նշեց փոխադրողների միության նախագահը, որպես ապացույց հայտնելով, որ փոխադրող կազմակերպություններից մեկը հրաժարվել է իր երկու` թ. 4 եւ թ. 17 ավտոբուսային երթուղիներից, իսկ 7 եւ 17 միկրոավտոբուսային երթուղիները սպասարկող ընկերություններն էլ իրենց աշխատանքները դադարեցնելու հայտ են ներկայացրել: Այս տարվա ընթացքում էլ 23 երթուղիներ արդեն դադարել են աշխատել: «Եթե տրանսպորտի գինը չբարձրանա, մյուս բոլոր երթուղիները եւս կհրաժարվեն ուղեւորափոխադրումներ կատարելուց: Ոչ ոքի համար ներկայումս ձեռնտու չէ աշխատել նման պայմաններում` դանակը հասել է ոսկորին», ասաց Հրանտ Եղիազարյանը:

Միեւնույն ժամանակ, տրանսպորտի սակագնի բարձրացման դեպքում ուղեւորափոխադրողները խոստանում են զիջումների գնալ սոցիալական տարբեր խմբերի համար: «Հնարավոր է ուսանողների, սոցիալապես անապահովների կամ այլ սոցիալական խմբերի համար սահմանել աբոնեմենտ, որով նրանք մեկ մշտական երթուղով կերթեւեկեն 100 դրամով», տեղեկացրեց փոխադրողների միության ղեկավարը: Նա նաեւ խոստացավ, որ Նոր տարուն ժողովրդին առանց տրանսպորտի չեն թողնի:

 
 

«ԱԶԳ» ՕՐԱԹԵՐԹ #214, 07-12-2013

AZG Daily #12, 02-04-2020

AZG ONLINE

2020-04-06 04:59:55
Սմարթֆոններ` Քաշաթաղի դպրոցների երեխաներին

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ