RSS | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#190, 2013-11-05 > #191, 2013-11-06 > #192, 2013-11-07 > #193, 2013-11-08 > #194, 2013-11-09

«ԱԶԳ» ՕՐԱԹԵՐԹ #192, 07-11-2013



Մ. ՆԱՀԱՆԳՆԵՐ

Տեղադրվել է` 2013-11-06 23:17:22 (GMT +04:00)


Ընթերցված է` 833, Տպվել է` 16, Ուղարկվել է էլ.փոստով` 13

«ՑԵՂԱՍՊԱՆՈՒԹՅՈՒՆ. ԻՍՐԱՅԵԼ ՉԱՌՆԻՆ ԵՎ 20-ՐԴ ԴԱՐԻ ԴԺԲԱԽՏՈՒԹՅՈՒՆԸ»

Հ. Ծ.

Այս խորագրով սեպտեմբերի 23-ին Հարտֆորդ համալսարանի (Կոնեկտիկուտ) հրեական ուսումնասիրությունների Գրինբերկ կենտրոնում բացված ցուցահանդեսը գործելու է մինչեւ 2014 թ. ապրիլի 1-ը, տեղեկացնում է խմբագրությանը հասցեագրված հաղորդագրությունը:

Այս առաջին ցուցահանդեսը, որը հավակնում է շարունակական լինելՙ ուսանողական շրջանակներին ծանոթացնելու, թե ինչ է ցեղասպանությունը եւ ինչու է տեղի ունենում, նվիրված է հիմնականում անխոնջ ցեղասպանագետ Իսրայել Չառնիի կյանքին ու գործունեությանը: Ցուցադրված են լուսանկարներ 20-րդ դարի երեք ամենահայտնի ցեղասպանություններից, որոնք Չառնին ուսումնասիրել է: Դրանք ենՙ 1915-1923 թթ. Հայոց, 1933-45 թթ. Հրեական եւ 1994 թ. Ռուանդական ցեղասպանությունները:

Ռուանդայից լուսանկարներ եւ ցուցանմուշներ տրամադրել է հայտնի դաստիարակ եւ Գրինբերկ կենտրոնի ցեղասպանության գծով հատուկ խորհրդատու Ջո Օլզաքին: Եղեռնից փրկվածների հետնորդ Հարի Ֆորդ համալսարանի պրոֆ. Մարի Ֆիրկատյանը ներկայացրել է Դիարբեքիրի Սուրբ Կիրակոս եկեղեցու վերականգնման աշխատանքները պատկերող լուսանկարներ, իսկ Գրինբերկ կենտրոնի Լեհաստանում գործող Սոբիբոր վավերագրական ծրագրի աշխատակիցները ցուցահանդեսին մասնակցել են Սոբիբոր եւ Մայդանեկ համակենտրոնացման ճամբարների վերաբերյալ լուսանկարներով: Հրատարակվել է գրքույկՙ լուսանկարների բացատրություններով եւ Չառնիի կենսագրական տվյալներով:

Իսրայել Չառնին ծնվել է 1931-ին Բրուքլինում: 1973 թվից ապրում է Իսրայելում: 1957-ին ավարտել է Ռոչեստեր համալսարանի (Մ. Նահանգներ) կլինիկական հոգեբանության բաժինը: Մեծապես մտահոգել է նրան Ադոլֆ Այխմանի դատավարությունը 1961 թ.: Իր իսկ խոստովանությամբՙ 1965-ին մղձավանջային երազի հետեւանքով ինքը իրեն հարց է տվել, թե ինչպե՞ս են (գերմանացիները) այդքան վայրագությամբ վարվել իր ժողովրդի հետ, եւ այդ օրվանից նվիրվել է ցեղասպանության խնդիրներին: Նա այժմ այդ բնագավառի ամենաճանաչված հեղինակություններից է եւ հիմնադիրը Երուսաղեմում գործող Հոլոքոսթի եւ ցեղասպանության ինստիտուտի:

Ցուցահանդեսի կազմակերպիչները համոզված են, որ համալսարանի տարածքում գործող ցուցահանդեսը հնարավորություն կտա պատմության, հոգեբանության, փիլիսոփայության, քաղաքագիտության եւ կառավարման ֆակուլտետների ուսանողներինՙ լայն քննարկումներ ծավալելու ցեղասպանության թեմայի շուրջը:

 
 

«ԱԶԳ» ՕՐԱԹԵՐԹ #192, 07-11-2013

AZG Daily #28, 19-07-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ