RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-09-29 22:10:08Ստեփանակերտում սպասում են հայկական բանակի փառահեղ հաղթանակին
2020-09-25 22:24:39ՌԴ «Կապուստին Յար» զորավարժարանում ավարտվեց «Կովկաս-2020» զորավարժությունների հիմնական փուլը
2020-09-25 21:44:02Պատժել ցանկացած լկտի դրսևորում թշնամու կողմից… (տեսանյութ)
2020-09-25 20:53:27Բաքուն Արցախի ժողովրդին չի կարող շեղել ընտրած ճանապարհից. ԱՀ նախագահ Հարությունյան
2020-09-25 20:00:50«Շատ արագ են կատարում». Ծառուկյանի կալանավորման հարցի վերաբերյալ որոշումը կհրապարակվի այսօր
#188, 2013-11-01 > #189, 2013-11-02 > #190, 2013-11-05 > #191, 2013-11-06 > #192, 2013-11-07

«ԱԶԳ» ՕՐԱԹԵՐԹ #190, 05-11-2013



ՏԵՍԱԿԵՏՆԵՐԸ ՀԱԿԱԴԻՐ ԵՆՏԵՍԱԿԵՏՆԵՐԸ ՀԱԿԱԴԻՐ ԵՆ

Տեղադրվել է` 2013-11-04 23:12:20 (GMT +04:00)


Ընթերցված է` 720, Տպվել է` 15, Ուղարկվել է էլ.փոստով` 11

ՍԻՐԻԱԿԱՆ ԸՆԴԴԻՄՈՒԹՅՈՒՆԸ ԺՆԵՎ ՉԻ ԳՆԱ ԻՐԱՆԻ ՄԱՍՆԱԿՑՈՒԹՅԱՆ ԴԵՊՔՈՒՄ

Ահմեդ Ջարբայի նախապայմանները

Սիրիայի ընդդիմադիր ուժերի գլխավոր կազմակերպությունըՙ Ազգային կոալիցիան, առաջ է քաշել Ժնեւում նախապատրաստվող հաշտության բանակցություններին իր մասնակցության նախապայմանները: Դրանք Արաբական պետությունների լիգայի անդամների հետ հանդիպման ժամանակ հրապարակել է կոալիցիայի ղեկավար ԱՀմեդ Ջարբան:

Ռոյթեր գործակալությունը մեջբերում է Ջարբայի այն խոսքերը, որ Ժնեւի բանակցություններին Իրանի ներկայացուցիչների մասնակցության դեպքում սիրիական ընդդիմությունը կբոյկոտի այդ բանակցությունները: Ջարբան պահանջել է, որ Իրանը բնութագրվի որպես «սիրիական տարածքի զավթիչ»:

Ընդդիմությունը սպառնում է Ժնեւի բանակցություններին չմասնակցել նաեւ այն դեպքում, եթե դրանց ընթացքում չնշվեն Սիրիայի նապագահ Բաշար Ասադի պաշտոնաթողության կոնկրետ ժամկետներ:

Բացի դրանից, Ահմեդ Ջարբան համաշխարհային ընկերացությունից պահանջել է ընդունել «սիրիական ժողովրդին» ռազմական օգնություն ցույց տալու «հստակ որոշում»: Անշուշտ, խոսքը ընդդիմությանը զինելու պահանջի մասին է: Ազգային կոալիցիայի ղեկավարը խոստացել է, որ մատակարարվելիք զենքը «չի հայտնվի սխալ ձեռքերում»:

Ինչ վերաբերում է բանակցություններին Իրանի մասնակցությանը, Ռուսաստանը կողմ է դրան, մինչդեռ ԱՄՆ-ը հավանություն չի տվել Սիրիայի առնչությամբ այսպես կոչված «Գործողությունների խմբի» մշակած բոլոր համաձայնություններին:

Հոկտեմբերին նախագահ Բաշար Ասադը արդեն քննադատել էր ժնեւյան կոնֆերանսի գաղափարը, կասկած հայտնելով, թե բանակցությունների մասնակիցներն իրոք կներկայացնեն Սիրիայի ժողովրդին: Արաբական «Ալ-Մայադին» հեռուստաալիքի եթերում Ասադը հայտարարել էր, թե «որոշում պետք է ընդունեն սիրիացիները, եւ կարեւոր չէՙ կհամաձայնվե՞ն արդյոք արտասահմանյան ուժերը»:

Ազգային կոալիցիայի ղեկավարությունը նոյեմբերի 9-ին Ստամբուլում կայանալիք նիստում պետք է վերջնական որոշում ընդունի Ժնեւի բանակցություններին սիրիական ընդդիմության մասնակցության վերաբերյալ:

Սիրիայի հակամարտության խաղաղ կարգավորմանը նվիրված ժնեւյան կոնֆերանսի նախապատրաստությամբ սեպտեմբերի սկզբից զբաղվում են ԱՄՆ-ը եւ Ռուսաստանը: Երկու երկրների արտգործնախարարները հույս ունեն, որ կոնֆերանսը տեղի կունենա նոյեմբերին: Սակայն ստույգ ժամկետ առայժմ չի նշվել:

 
 

«ԱԶԳ» ՕՐԱԹԵՐԹ #190, 05-11-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ