RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
#181, 2013-10-23 > #182, 2013-10-24 > #183, 2013-10-25 > #184, 2013-10-26 > #185, 2013-10-29

«ԱԶԳ» ՕՐԱԹԵՐԹ #183, 25-10-2013



ՀՅՈՒՐԱԽԱՂԵՐ

Տեղադրվել է` 2013-10-24 23:04:49 (GMT +04:00)


Ընթերցված է` 830, Տպվել է` 29, Ուղարկվել է էլ.փոստով` 12

ՄՈՍԿՎԱՅԻ ՀԱՅԿԱԿԱՆ ԹԱՏՐՈՆԸ ՖՐԱՆՍԻԱՅՈՒՄ

Պ. Ք.

ՌԴ մայրաքաղաքից մեր թերթին ուղարկած մեկնաբանության մեջ Մոսկվայի հայկական թատրոնի գեղարվեստական ղեկավար Սլավա Ստեփանյանը գրում է. «2013 թվականը թատրոնի համար շատ նշանակալի էր: Մոսկվայի հայկական թատրոնը մասնակցեց Ավինյոնի թատերական փառատոնին: Փառատոնի պատմության մեջ առաջին անգամ հանդիսականները հնարավորություն ունեցան գնահատելու հայկական թատերական արվեստը: «The՛atre des 3 soleils» թատրոնում 2 շաբաթ ներկայացվեց մեր «En quete d՛amour» («Փնտրում եմ սիրեցյալիս») աշխատանքը: Մեզ համար մեծ պատիվ է Հայաստանն ու Ռուսաստանը ներկայացնել նման հրաշալի թատերական փառատոնում: Մեզ բախտ վիճակվեց լինել Եվրոպայի թատերական կյանքի կենտրոնում, ծանոթանալ արտասահմանյան գործընկերների նվաճումներին...

Ուրախալի էր մասնակցել անզուգական Պիեռ Ռիշարի հետ միեւնույն թատերական ծրագրին: Այս տարի նա ներկայացրել էր «Pierre Richard III» մենաներկայացումը: Հաճելի է, որ չնայած ուժեղ մրցակցությանը, մեր ներկայացումը աննկատ չմնաց: Թատրոնը հրավեր ստացավ եկող տարի եւս մասնակցելու Ավինյոնի փառատոնին: Մեզ հրավիրեցին մասնակցելու նաեւ Նանսիի (Ֆրանսիա) եկող տարվա թատերական փառատոնին:

Աշունը եւս թատրոնի համար սկսվեց հետաքրքրական իրադարձություններով: 2013 թ. սեպտեմբերի 24-27-ը անցկացվեցին Մոսկվայի հայկական թատրոնի հյուրախաղեր Չելյաբինսկի մարզում: Մագնիտոգորսկի հանդիսականները դիտեցին երեք ներկայացումՙ «Վայ, վայ կամ հայավարի ճամփորդություն», «Լույս Մարի: «Ուրախության» ձոն» եւ «Փնտրում եմ սիրեցյալիս»: Հյուրախաղերն անցան լեփ-լեցուն դահլիճներում եւ դարձան տարածաշրջանում հայկական մշակույթի օրեր, լայնորեն լուսաբանվեցին լրատվամիջոցներում»:

Այնուհետեւ Սլավա Ստեփանյանը հայտնում է, որ հոկտեմբերի 24-ին Մոսկվայի հայկական թատրոնը ռուսական թատերաշրջանին մասնակցեց Ֆրանսիայի Էքսան-Պրովանս քաղաքում, որտեղ բեմադրվեց ֆրանսերեն ներկայացում ըստ ֆրանսիացի հայտնի դրամատուրգ Ժան Կոկտոյի «Ձայն մարդկային» պիեսի:

 
 

«ԱԶԳ» ՕՐԱԹԵՐԹ #183, 25-10-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ