RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-08-12 18:17:40Դատախազի պահանջը` «Սասնա ծռեր» խմբավորման անդամների վերաբերյալ
2020-08-12 18:07:17Ոստիկանները տուգանում են հացադուլ հայտարարած Իսրայել Հակոբկոխյանին. տեսանյութ
2020-08-12 18:05:44ՀԲԸՄ- հայտարարությունը. Հանգանակվել է ավելի քան երկու միլիոն դոլար
2020-08-12 15:50:22Բանակցություններ օդում (տեսանյութ)
2020-08-12 15:08:51Վրաստանում մահացել է COVID19-ով վարակված 17 մարդ՝ 61 անգամ ավելի քիչ, քան Հայաստանում
#140, 2013-08-27 > #141, 2013-08-28 > #142, 2013-08-29 > #143, 2013-08-30 > #144, 2013-08-31

«ԱԶԳ» ՕՐԱԹԵՐԹ #142, 29-08-2013



Մարզական

Տեղադրվել է` 2013-08-28 23:10:48 (GMT +04:00)


Ընթերցված է` 886, Տպվել է` 10, Ուղարկվել է էլ.փոստով` 27

ՌՈՄԱՆ ԲԵՐԵԶՈՎՍԿԻՆ ՊԱՏՐԱՍՏ Է ԳԱԲՈՒԼՈՎԻ ՀԵՏ ՄՐՑԱԿՑՈՒԹՅԱՆԸ

Մոսկվայի «Դինամոյում» Ռոման Բերեզովսկին նոր խաղընկեր ունի: Մախաչկալայի «Անժիից» «Դինամո» է տեղափոխվել դարպասապահ Վլադիմիր Գաբուլովը: Նրա տեղափոխության դիմաց «Դինամոն» 7 մլն եվրո է վճարել: Սա ռուսական ֆուտբոլում ռեկորդային ցուցանիշ է դարպասապահների համար:

Հետաքրքրական է, որ Գաբուլովն արդեն 3-րդ անգամ է հայտնվում դինամոյականների կազմում: 2001-ին նա «Դինամո» էր տեղափոխվել «Մոզդոկից»: Հետագայում Գաբուլովը հանդես է եկել «Ալանիայում», ԲԿՄԱ-ում, «Կուբանում»: Կրասնոդարից նա 2,5 մլն եվրոյի դիմաց տեղափոխվեց Մոսկվայի «Դինամո», որը դարպասապահին 4 մլն-ով տրամադրեց «Անժիին»:

Մոսկվայի «Դինամոյում» հանդես եկող Ռոման Բերեզովսկին մեկնաբանել է Գաբուլովի տրանսֆերը. «Թիմը պետք է հարգի ակումբի ղեկավարության որոշումը: Մենք էլ մեր կողմից պետք է ամեն ինչ անենք, որպեսզի Վլադիմիրը «Դինամոյում» իրեն լավ զգա: Կձգտեմ մարզումների ժամանակ դրսեւորել լավագույն որակներս: Իսկ մնացածը պետք է որոշի մարզիչը: Ընդհանուր առմամբ պատրաստ եմ մրցակցությանը»:

Հիշեցնենք, որ Հայաստանի ազգային հավաքականի դարպասապահը ՌԴ առաջնության վերջին 3 տուրերում պաշտպանել է «Դինամոյի» դարպասըՙ պահեստայինների նստարանին թողնելով Անտոն Շունինին: Թե ինչպես կդասավորվի Բերեզովսկու հետագա ճակատագիրը «Դինամոյում», դժվար կլինի կանխագուշակել:

Իսկ ահա «Դինամոյի» նախկին հարձակվող Սերգեյ Կիրյակովը գտնում է, որ Բերեզովսկին կհեռանա թիմից. «Այդ տրանսֆերը տրամաբանական է: Բերեզովսկին արդեն պատկառելի տարիքում է եւ վերջին կամ նախավերջին մրցաշրջանն է անցկացնում «Դինամոյում»: Իսկ Շունինն անկայուն է խաղում: Գաբուլովը հավաքականի խաղացող է եւ դրանով ամեն ինչ ասված է:

Կարծում եմ, որ Բերեզովսկին կհեռանա «Դինամոյից»: Չեմ բացառում, որ «Դինամոն» նրան թիմում այլ աշխատանք կարող է առաջարկել: Դա նորմալ կլինի: Դարպասապահներից մեկի վնասվածքի դեպքում Բերեզովսկին կարող է օգնել թիմին»:

 
 

«ԱԶԳ» ՕՐԱԹԵՐԹ #142, 29-08-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ