RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#134, 2013-08-03 > #135, 2013-08-20 > #136, 2013-08-21 > #137, 2013-08-22 > #138, 2013-08-23

«ԱԶԳ» ՕՐԱԹԵՐԹ #136, 21-08-2013



Օրվա հետքերով

Տեղադրվել է` 2013-08-20 23:19:40 (GMT +04:00)


Ընթերցված է` 968, Տպվել է` 19, Ուղարկվել է էլ.փոստով` 16

ԿՀՎ-Ն ԽՈՍՏՈՎԱՆԵՑ ԻՐ ՄԱՍՆԱԿՑՈՒԹՅՈՒՆԸ ԻՐԱՆԻ 1953 Թ. ՀԵՂԱՇՐՋՄԱՆԸ

Պ. Ք.

ԱՄՆ Կենտրոնական հետախուզական վարչությունը գաղտնազերծել է նյութեր, որոնք հաստաստել են գերատեսչության անմիջական մասնակցությունը Իրանի 1953 թ. հեղաշրջմանը: Փաստաթղթերը հրապարակվել են Անվտանգության ազգային ծառայությունների արխիվի կայքէջում: Նյութերի տեսությանն անդրադառնում է BBC-ն:

Ընդամենը հրապարակվել է 21 փաստաթուղթ, որոնցով հաստատվում է ԿՀՎ-ի մասնակցությունը «Այաքս» գործողության նախապատրաստմանն ու իրականացմանը: Այդ գործողության արդյունքը դարձան Իրանի վարչապետ Մոհամմեդ Մոսսադիկի տապալումը եւ Մոհամմեդ Ռզա Փեհլեւի շահի վերադարձը: Գերատեսչության պատմաբանները նաեւ նկարագրել էին գործողության ավարտից հետո ԱՄՆ-ի համար բացասական հետեւանքների նվազեցման միջոցառումները:

Իրանի ներքին քաղաքականությանը ԿՀՎ-ի միջամտության պատճառներից մեկը փաստաթղթերում համարվում է «երկաթյա վարագույրի» հետեւում երկրի հայտնվելու հնարավորությունը: «Դա կնշանակեր «սառը պատերազմում» Խորհրդային Միության հաղթանակ եւ Մերձավոր Արեւելքում Արեւմուտքի պարտություն», իր հաշվետվության մեջ գրել էր գործողության հեղինակներից մեկըՙ Դոնալդ Ուիլբերը:

Փաստաթղթերը 1953 թ. օգոստոսի 19-ի հեղաշրջման 60-ամյակի առթիվ հրապարակվել են հիշյալ արխիվի փոխտնօրեն Մալքոլմ Բըռնի պահանջով:

Իրանում 1953 թ. հեղաշրջումը տեղի ունեցավ այն բանից հետո, երբ կառավարության ղեկավար Մոհամմեդ Մոսսադիկը նավթարդյունաբերություն ազգայնացնելու օրենք ընդունեց եւ խզեց հարաբերությունները ԱՄՆ-ի եւ Մեծ Բրիտանիայի հետ: Իշխանության գլուխ անցած Մոհամմեդ Ռզա Փեհլեւի շահը երկիրը կառավարեց մինչեւ 1979 թ. Իսլամական հեղափոխությունը, որի պատճառով նա ստիպված եղավ տարագրվել:

 
 

«ԱԶԳ» ՕՐԱԹԵՐԹ #136, 21-08-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ