RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#132, 2013-08-01 > #133, 2013-08-02 > #134, 2013-08-03 > #135, 2013-08-20 > #136, 2013-08-21

«ԱԶԳ» ՕՐԱԹԵՐԹ #134, 03-08-2013



Մարզական

Տեղադրվել է` 2013-08-02 23:34:50 (GMT +04:00)


Ընթերցված է` 1946, Տպվել է` 46, Ուղարկվել է էլ.փոստով` 40

5 ՏԱՐՈՒՄ ՕԶԲԻԼԻՍԸ «ՍՊԱՐՏԱԿՈՒՄ» ՄՈՏ 10 ՄԼՆ ԵՎՐՈ ԿՎԱՍՏԱԿԻ

Ֆուտբոլային գործակալ Դմիտրի Սելյուկը «Իզվեստիայի» թղթակցի հետ զրույցում կրկին անդրադարձել է Արաս Օզբիլիսի տրանսֆերինՙ նոր մանրամասներ ներկայացնելով. «Արասը շատ էր ցանկանում «Մոնակո» տեղափոխվել, համարյա թե արտասվում էր: Եվրոպայում ֆուտբոլի գաղտնիքներին տիրապետած եւ համապատասխան մենթալիտետ ունեցող երիտասարդ ֆուտբոլիստի հետագա զարգացման համար ավելի նպաստավոր պայմաններ կարող էին ստեղծվել «Մոնակոյում» Ֆալկաոյի, Մոուտինյուի եւ Ռոդրիգեսի հետ խաղալով: «Մոնակոն» համապատասխան առաջարկ էր կատարել, սակայն «Կուբանը» մերժեց: Բնական է, որ Արասին «Մոնակոյում» նաեւ ֆինանսական լավ պայմաններ էին առաջարկում:

Վստահ եմ, որ ժամանակի ընթացքում պարզ կլինի, որ ֆուտբոլային առումով Արասը շատ լուրջ սխալ թույլ տվեցՙ տեղափոխվելով «Սպարտակ»: Այդ պատմության մեջ ամենացավալին այն է, որ Արասն անձամբ ոչինչ չէր կարող վճռել: Նրա տրանսֆերով զբաղվողներն անձնական շահ էին հետապնդում, այլ ոչ թե մտածում էին ֆուտբոլիստի պրոֆեսիոնալ աճի մասին»:

«Իզվեստիայի» տվյալներով Արաս Օզբիլիսը «Կուբանում» տարեկան 750 հազար եվրո էր ստանում, իսկ «Սպարտակում» այն կկազմի տարեկան 1,5 մլն եվրո առանց պարգեւատրումները հաշվի առնելու: Նրա տրանսֆերը «Սպարտակին» մոտ 8 մլն եվրո է արժեցել:

Արաս Օզբիլիսը ծնվել է Թուրքիայում, այնուհետեւ ընտանիքով տեղափոխվել են Հոլանդիա: Նա 8 տարեկանում ընդգրկվել է Ամստերդամի «Այաքսի» ֆուտբոլի դպրոցում: 2009-ին «Այաքսը» Օզբիլիսի հետ 2,5 տարվա պայմանագիր կնքեց: Այդ տարի Արասը ճանաչվեց թիմի ամենատաղանդավոր երիտասարդ ֆուտբոլիստ: Թիմի երիտասարդական կազմում հաջող մրցելույթների շնորհիվ Օզբիլիսը շուտով ընդգրկվեց «Այաքսի» հիմնական կազմում:

2012-ի օգոստոսին Օզբիլիսը տեղափոխվեց «Կուբան» 3 մլն եվրոյի դիմաց: Նա իրեն հիանալի դրսեւորեց «Կուբանում»ՙ մեծ ներդրում ունենալով թիմի աննախադեպ հաջողությունում, որն առաջին անգամ գրավեց 5-րդ տեղն ու իրավունք ստացավ մասնակցելու Եվրոպայի լիգայի մրցաշարին: Առաջնության 22 խաղում Օզբիլիսը 10 գոլի հեղինակ դարձավ եւ ճանաչվեց «Կուբանի» լավագույն ֆուտբոլիստ: Ընթացիկ առաջնությունն էլ Արասը շատ լավ սկսեցՙ «Կուբանի» կազմում մեկնարկային 2 հանդիպումներում էլ մեկական գոլ խփելով: Իսկ 3-րդ տուրում նա իր նորամուտը նշեց «Սպարտակում»:

 
 

«ԱԶԳ» ՕՐԱԹԵՐԹ #134, 03-08-2013

AZG Daily #11, 20-03-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ