RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2021-01-20 22:36:43Ինչպես անցավ Ջոզեֆ Բայդենի երդմնակալությունը
2021-01-20 22:35:52Գազի պայթյունից զոհեր Մադրիդում
2021-01-20 21:53:02Ադրբեջանն ինձ 50 000 դոլար է առաջարկել Արցախում գործած ռազմական հանցագործությունները չհրապարակելու համար. Թոմաշ Լեխ Բուչիչ
2021-01-19 20:33:12Կարսի զորավարժության նպատակը Երևանի օկուպացիան է, բայց գլխավոր շտաբն ամեն ինչ հասկանում է. Старше Эдды
2021-01-19 16:59:19Ռոսպոտրեբնադզոր. ЭпиВакКорона-ն 100% արդյունավետ է
#051, 2013-04-03 > #052, 2013-04-04 > #053, 2013-04-05 > #054, 2013-04-06 > #055, 2013-04-09

«ԱԶԳ» ՕՐԱԹԵՐԹ #53, 05-04-2013



Մշակույթ

Տեղադրվել է` 2013-04-05 21:27:46 (GMT +04:00)


Ընթերցված է` 1464, Տպվել է` 56, Ուղարկվել է էլ.փոստով` 59

«ՎԵՐԱԾՆՈՒՆԴ» ՄԻՋԱԶԳԱՅԻՆ ԵՐԱԺՇՏԱԿԱՆ 5-ՐԴ ՄՐՑՈՒՅԹ-ՓԱՌԱՏՈՆԸ` ԱՊՐԻԼԻ 10-ԻՑ

Գ. Մ.

Հայաստանի եւ աշխարհի 30 երկրների հինգից հիսունմեկ տարեկան 2415 կատարողներ են մասնակցության հայտ ներկայացրել երաժիշտ-կատարողների Գյումրու հինգերորդ միջազգային մրցույթ-փառատոնին, որի հանդիսավոր բացումը տեղի կունենա ապրիլի 10-ին, Վարդան Աճեմյանի անվան պետական դրամատիկական թատրոնի դահլիճում: Այս տարվա փառատոնը, որի կազմակերպիչներն են «Փյունիկ» համահայկական հիմնադրամը, ՀՀ մշակույթի նախարարությունը եւ Երեւանի պետական երաժշտանոցի Գյումրու մասնաճյուղը, նվիրված է Արամ Խաչատրյանի ծննդյան 110 եւ Սպիտակի երկրաշարժի 25-ամյակներին, անցկացվելու է «Գյումրին ԱՊՀ երկրների մշակութային մայրաքաղաք» ծրագրի շրջանակներում:

Կատարողական 13 անվանակարգերում, 5 տարիքային խմբերով երաժշտական մրցույթներն անցկացվելու են ամսի 11-17-ը, հիմնականում` կրթական-մշակութային տարբեր հաստատությունների դահլիճներում, իսկ ըստ անվանակարգերի հաղթողների պարգեւատրումն ու գալա համերգը տեղի կունենա ապրիլի 18-ին: Մրցութային հանձնախմբի կազմում ընդգրկված են հանրահայտ կատարողներ, նշանավոր արվեստագետներ Հայաստանից եւ արտերկրից:

Երաժիշտ-կատարողների Գյումրու «Վերածնունդ» միջազգային մրցույթ-փառատոնն անցկացվում է ամեն տարի, նպաստելով օժտված հատկապես պատանի եւ երիտասարդ երաժիշտների ճանաչմանն ու մասնագիտական աճին: Ի դեպ, եթե նախորդ տարիներին մրցույթը կազմակերպվում էր հիմնականում երիտասարդ երաժիշտների համար եւ կոչվում էր երիտասարդ երաժիշտ-կատարողների մրցույթ-փառատոն, ապա այս անգամ տարիքային սահմանափակումը վերացված է եւ, պատասխանատուների հավաստմամբ, մասնակիցների թվում կլինեն նաեւ կայացած արհեստավարժ կատարողներ:

Փառատոնի շրջանակներում, ինչպես ամեն տարի, կանցկացվի նաեւ «Մշակույթների երկխոսություն» ընդհանուր խորագրով արվեստագիտական միջազգային գիտաժողով, կանցկացվեն մշակութային միջոցառումներ, վարպետության դասեր, համերգներ Գյումրիում ու նաեւ Երեւանում: Մասնակիցներին կներկայացվեն քաղաքն իր անցյալով ու ներկայով, Շիրակի պատմամշակութային հարուստ ժառանգությունը:

 
 

«ԱԶԳ» ՕՐԱԹԵՐԹ #53, 05-04-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ