RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#001, 2013-01-22 > #002, 2013-01-23 > #003, 2013-01-24 > #004, 2013-01-25 > #005, 2013-01-26

«ԱԶԳ» ՕՐԱԹԵՐԹ #3, 24-01-2013



Միջազգային

Տեղադրվել է` 2013-01-23 23:37:39 (GMT +04:00)


Ընթերցված է` 1331, Տպվել է` 46, Ուղարկվել է էլ.փոստով` 47

ՄԵՔՍԻԿԱՅՈՒՄ ՄՈԼՈՐՎԱԾ «ՀԵՅԴԱՐ ԱԼԻԵՎԸ»

Վ.ՊՈՂՈՍՅԱՆ

Հայերս առաջին հայացքից տարօրինակ շատ ասացվածքներն ունենք, բայց ավելի հաճախ դրանք, թեկուզ դառը, բայց իրականություն են: Օրինակՙ ասում ենք, թե «փողը մութ տեղը լույս կտա»: Սա բավականին խոսուն է, երբ վերաբերում է հատկապես ադրբեջանական ակտիվ գործունեությանը` այսուայնտեղ սեփական «հարցերը» լուծելու համատեքստում:

Մեքսիկայում շարունակվում են բուռն քննարկումները մայրաքաղաքի կենտրոնական երկու զբոսայգիներում Հեյդար Ալիեւի արձանի եւ Խոջալուի «ցեղասպանության» հուշակոթողի վերաբերյալ: Ու չնայած նախկին քաղաքապետի ստեղծած հանձնաժողովի` ադրբեջանական արձանները հեռացնելուն ուղղված դրական որոշմանը, Մեքսիկայի նախորդ վարչակազմը եւ քաղաքապետը թողեցին իրենց պաշտոնները առանց գործնականում լուծում տալու հուշարձանների խնդրին:

Բնականաբար, երբ հայտնվել էր Մեքսիկայի մայրաքաղաքի նոր քաղաքապետը, ադրբեջանական կողմը գործի էր անցել` փորձելով ճնշմամբ հասնել արձանները հեռացնելու մասին արդեն իսկ ընդունված որոշումը չկատարելուն: Մասնավորապես, Մեքսիկայում Ադրբեջանի դեսպանը դատական հայց էր ներկայացրել Մեխիկոյի քաղաքապետարանի դեմ, դատական գործընթացում պարտվելուց հետո սպառնացել էր խզել դիվանագիտական կապերը Մեքսիկայի հետ, փակել դեսպանությունը եւ դիմել միջազգային դատարան:

Ադրբեջանի դեսպանի այսօրինակ գործողություններին անդրադարձել է Մեխիկոյի քաղաքապետարանի հատուկ հանձնաժողովի երեք անդամներից մեկըՙ Գաբրիել Գուեռան, որը նշել է, որ ադրբեջանական կողմի նման պահվածքը կարող է վերջնականապես փչացնել ադրբեջանա-մեքսիկական հարաբերությունները, իսկ դեսպանը բռնել է Մեքսիկայում անցանկանալի անձ (persona non-grata) հայտարարվելու ճանապարհը:

Մեքսիկական մի շարք լրատվամիջոցներ դեկտեմբեր-հունվար ամիսներին հերթական ծավալուն անդրադարձները կատարեցին հուշահամալիրների խնդրին: Հունվարի 20-ին Հեյդար Ալիեւի արձանի դիմաց մարդու իրավունքների հարցերով մեքսիկացի հիսունից ավելի ակտիվիստներՙ մարդու իրավունքների հանրահայտ պաշտպաններ Դանիել Գերշենսոնի եւ Հոմերո Արիդյիսի գլխավորությամբ բողոքի ցույց կազմակերպեցին ընդդեմ Խոջալուի հուշահամալիրի եւ Ալիեւի արձանի:

Վերջին զարգացումների համատեքստում հունվարի 22-ին պաշտոնական հայտարարությամբ հանդես է եկել նաեւ Մեխիկոյի քաղաքապետարանը, համաձայն որի վերջնական որոշում է կայացվել Հեյդար Ալիեւի արձանը հանելու քաղաքի կենտրոնական Paseo de la Reforma զբոսայգուց եւ տեղափոխելու որեւէ մասնավոր տարածք: Քաղաքապետ Միգել Անխել Մանսերան հայտարարել է, որ ստալինյան ոճի Հեյդար Ալիեւի արձանը տեղափոխվելու է այլ վայր:

Քաղաքապետարանը հայտարարել է նաեւ, որ որոշվել է փոխել Մեխիկոյի մեկ այլՙ Tlaxcoaque կոչվող հրապարակում տեղակայված «Խոջալուի» հուշահամալիրի ցուցանակի եւ բուն հուշահամալիրի վրա գրված տեքստըՙ այնտեղից հանելով ցեղասպանություն բառը:

 
 

«ԱԶԳ» ՕՐԱԹԵՐԹ #3, 24-01-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ