RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2021-02-11 15:01:08Վերջին օրերին տեղի ունեցան, կարծում եմ՝ միմյանց հետ փոխկապակցված երկու չափազանց կարևոր իրադարձություններ
2021-02-11 14:59:50Սիրելի՛ ժողովուրդ, Քեզ հիպնոսացրել են, արթնացի՛ր. Հայրենիքի փրկության շարժում
2021-01-27 21:42:18Արցախյան 2 պատերազմի մասնակցած ազատամարտիկը ծեծի է ենթարկվել
2021-01-27 21:40:33Դիւանագիտական նոր պատեհութիւններ որոնցմէ պէտք է օգտուի հայաստանը
2021-01-27 20:49:29Ալիևը հայտարարում է, որ Հայաստանում ժամանակին ադրբեջանցիներ են ապրել և նրանք պետք է հետ վերադառնան այդտեղ ապրելու
#001, 2013-01-22 > #002, 2013-01-23 > #003, 2013-01-24 > #004, 2013-01-25

«ԱԶԳ» ՕՐԱԹԵՐԹ #2, 23-01-2013



Տեղադրվել է` 2013-01-23 00:57:32 (GMT +04:00)


Ընթերցված է` 2614, Տպվել է` 115, Ուղարկվել է էլ.փոստով` 108

60 ՀԱԶԱՐ ԴՐԱՄ ԱՐՏՈՆԱԳՐԱՅԻՆ ՎՃԱՐՆԵՐԻՑ ԴԺԳՈՀՈՒՄ ԵՆ ԱՆՇԱՐԺ ԳՈՒՅՔԻ ԳՈՐԾԱԿԱԼՈՒԹՅՈՒՆՆԵՐԸ

Ա. Մ.

Հունվարի 1-ից ուժի մեջ մտնող «Արտոնագրային վճարների մասին» օրենքում փոփոխությունները դժգոհություն են առաջացրել նաեւ անշարժ գույքի գործակալությունների ներկայացուցիչների մեջ: Ըստ այդ օրենքիՙ այդ գործունեության համար արտոնագրային վճար վճարողները, անկախ գործունեության արդյունքներից, գրանցված յուրաքանչյուր աշխատողի համար ամսական պետք է վճարեն 60 հազար դրամ Երեւանում եւ 10-50 հազար դրամ մարզերում: Այդ կապակցությամբ երեկ հրավիրված մամուլի ասուլիսի ժամանակ Անշարժ գույքի բորսայի տնօրեն Արտյոմ Պրիբլինսկին հայտարարեց, որ մոտ 200 գործակալություններում աշխատում է միջին հաշվով 10 մարդ: Այսինքն, ամսական գործակալությունը ստիպված է լինելու մոտ 600 հազար դրամ վճարելՙ անկախ գործունեության արդյունքներից: Նրա կարծիքով, դա կարող է ստիպել գործակալություններին մտնել ստվերային դաշտ, քանի որ անշարժ գույքի շուկայի համար լավ ժամանակներ չեն:

Տեղեկացնենք, որ Հայաստանի Ռիելթորների եւ գնահատողների միության եւ անշարժ գույքի գործակալությունների ղեկավարների կողմից ստեղծվել է Հայաստանի Ռիելթորների հասարակական նախաձեռնությունՙ «60.000-ին դեմ»: Նրանք բաց նամակ են հղել նախագահին, վարչապետին, ֆինանսների նախարարին, անշարժ գույքի կադաստրի պետական կոմիտեի նախագահին, որտեղ նշվում է, որ այս փոփոխությունն անելիս հաշվի չեն առնվել ոլորտում տիրող իրավիճակը, տնտեսվարող սուբյեկտների կարծիքները, չեն եղել հասարակական քննարկումներ, համապատասխան գերատեսչությունները մինչ այժմ չեն տվել բացատրություններ, տնտեսագիտական լուրջ հիմնավորումներ, թե ինչ հաշվարկներից ու վերլուծությունից ելնելով է հարկման տվյալ դաշտ բերվել մի ամբողջ բնագավառ, որն ուղղակի գոյատեւում է շուկայի արդեն մի քանի տարի շարունակվող ճգնաժամի պայմաններում: Ելնելով դրանիցՙ անշարժ գույքի շուկայի մասնակիցները անընդունելի ու չհիմնավորված են համարում սույն օրենքով սահմանված դրույքաչափերը եւ առաջարկում են իրենց գործունեությունը ներառել շրջանառության հարկով հարկման դաշտում:

Խնդրի վերաբերյալ պարզաբանումներ ստանալու նպատակով դիմեցինք ֆինանսների նախարարություն, որտեղից, սակայն, մեզ պատասխանեցին, որ դրանք կտրվեն առաջիկա օրերին:

 
 

«ԱԶԳ» ՕՐԱԹԵՐԹ #2, 23-01-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ