AZG Daily #2, 19-01-2018

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 76. ԽՐԱԽՃԱՆՔ, ԽՐԱԽՃԱՆԱԿԱՆ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#001, 2018-01-12 > #002, 2018-01-19

«ԱԶԳ» ՕՐԱԹԵՐԹ #1, 12-01-2018



Տեղադրվել է` 2018-01-11 22:56:10 (GMT +04:00)


Ընթերցված է` 4120, Տպվել է` 1191, Ուղարկվել է էլ.փոստով` 0

ԳՐՔԻ ՊԵՍ ԲԱՐԴ, ՖԻԼՄԻ ՊԵՍ ՊԱՐԶ

ՀՈՎԻԿ ԱՖՅԱՆ

Եթե ամերիկացի լրագրող Մայքլ Վուլֆն իրՙ օրերս լույս տեսած գիրքը անվաներ պարզապես «Կրակ եւ ցասում», ապա այն հավանաբար հետաքրքրական լիներ միայն հնդկական կինոյի, գուցե նաեւ մեքսիկական սերիալների սիրահարներին, որոնք դեռ մնացել են հին ու բարի հնդկականՙ «Ծաղիկը փոշու մեջ» ֆիլմի ազդեցության տակ: Բայց լինելով փորձառու լրագրող, Վուլֆն իր գրքի վերնագիրը գրելիս չի բավարարվել միայն կրակ եւ ցասում բառերով, այլՙ «Կրակ եւ ցասումՙ Սպիտակ տանը»: Ընդ որում, ոչ թե պարզապես Սպիտակ տանը, այլՙ Թրամփի Սպիտակ տանը: Այսինքն Վուլֆի գիրքը կոչվում է Կրակ եւ ցասումՙ Թրամփի Սպիտակ տանը : Սա արդեն հետաքրքրական է, ընդ որում բոլորինՙ սկսած նույն Սպիտակ տանը Թրամփի սպիտակեղենը լվացողից, վերջացրած Կիմ Չեն Ընով, որն, ի դեպ, կարող է մի քանի օր տարվել Թրամփի մասին գրքով ու մոռանալ ԿԺԴՀ-ի միջուկային ծրագրերի մասին: Ամեն դեպքում, երբ Վուլֆի գիրքը լույս տեսավ, Փհենյանն ու Սեուլը հայտարարեցին իրենց միջեւ դադարեցված երկխոսությունը շարունակելու պատրաստակամության մասին, ԿԺԴՀ-ն նույնիսկ նշեց, որ իր մարզիկները կմեկնեն Հարավՙ մասնակցելու այս տարի կայանալիք Ձմեռային օլիմպիական խաղերին... Մի խոսքով, կարելի է եզրակացնել, որ Կիմ Չեն Ընը Վուլֆի գիրքն է կարդում ու պատերազմելու ժամանակը չունի:

Ցավոք սրտի Վուլֆի գիրքը դեռ Հայաստան չի հասել, կամ գուցե հայաստանյան իրադարձությունները դեռ այդ գրքի մակարդակին չեն: Եթե հասներ, ապա հազիվ թե Ելք դաշինքը հունվարի 19-ին թանկացումների դեմ երթի դուրս գար, քանի որ, լինելով ինտելեկտուալների դաշինք եւ աշխարհում այսօր առկա բոլոր քաղաքական տեխնոլոգիաներին հետամուտ, Ելք-ականները իրենց տներում նստած այդ գիրքը կկարդային: Բացի այդ Ելք-ի որոշ ուժերի ու անհատների համար, կարծում եմ, շատ հետաքրքրական կլինի ամերիկյան քաղաքականության էությունը, իսկ մյուս մասին հետաքրքրական չի լինի, քանի որ իրենք արդեն գիտեն: Ինչեւէ, Ելքը հունվարի 19-ին հրավիրում է երթիՙ ընդդեմ թանկացումների: Ու այստեղ սկսվում է ամենակարեւորը: Նախ, ՀՀ նախագահը, որն, ինչպես իր մամուլի խոսնակը հայտարարեց Նոր տարվա առաջին օրերին թեթեւ մրսածություն ուներ ու տանն էր, հաղթահարելով այդ մրսածությունը, իր մոտ է հրավիրել ֆինանսների նախարարին: Նախարար Արամյանը Սերժ Սարգսյանին է ներկայացնում ինչ-որ հաշվետվություն, որը կարեւոր կլիներ մեզ համար, եթե բանկիր լինեինք, կամ խոշոր տնտեսվարող, իսկ այ նախագահը հանձնարարում է ֆինանսների նախարարինՙ ուշադրության տակ պահել բնակչության սոցիալական խնդիրները: Այնպես որ, հունվարի 9-ից ՀՀ ֆինանսների նախարարությունը ՀՀ նախագահի հանձնարարությամբ ՀՀ քաղաքացիների սոցիալական խնդիրներն ուշադրության տակ է պահելու: Սրան զուգահեռ, ՏՄՊՊՀ-ն հատուկ նիստ հրավիրեց, որտեղ հիմնավորեց Հանրապետությունում բենզինի, դիզվառելիքի, սեղմված գազի թանկացումները:

Ելք-ի երթը սկսվելու է Մոսկվա կինոթատրոնի դիմացի Շառլ Ազնավուրի անվան հրապարակից: Ինչո՞ւ: Կինո՞յի, հանդիպակաց հյուրանոցի՞, թե՞ սրճարաններում գների բարձրացման դեմ է կոնկրետ Ելք-ի բողոքը: Լավ, մայրաքաղաքում շուկա չկա՞ր, որտեղից կարելի էր սկսել երթնՙ ընդդեմ թանկացումների, ընդ որում ավելի մեծ թվով մարդկանց հավաքելով, որքան կարելի է հավաքել Ազնավուրի անվան հրապարակում: Ենթադրում եմ, որ այստեղ վերնագրի խնդիր կա, ավելի ճիշտՙ վերնագրով ամեն բան ասված է: Ելք-ի լուսավոր մասը հատկապես միշտ դեմ է եղել Մոսկվային, ուրեմնՙ Մոսկվայի դիմաց, Ելք-ին մշտապես մեղադրել են կինո սարքելու համար, ուրեմն կինոթատրոնի դիմաց, Ելք-ում կամ հերոս են կամ հերոսանում են, ուրեմն Ազնավուրի հրապարակում եւ վերջապես, ինչպես անձամբ Էդմոն Մարուքյանն է ասելՙ իրենք թանկացումների մասին խոսել են ԱԺ-ում ու տեսնելով, որ արդյունք չկա, դուրս են գալիս փողոց: Սա արդեն ամենահետաքրքրականն է: Ինչպես հիշում ենք, Ելք դաշինքը խորհրդարանական վերջին ընտրություններից առաջ բոլորիս համոզում էր, որ ԱԺ-ում հարցեր լուժելու ելք կաՙ իրենցով: Ոմանք հավատացին, ու քանի որ այդ ոմանք այնքան շատ էին, որ Ելքը անցավ խորհրդարան: Սակայն ինչպես տեսնում ենք, նույն Ելքը խոստովանում է, որ ԱԺ-ում ելք չկա, ելքը փողոցում է...

Բայց չմեղադրենք Ելք-ին ՀՀ քաղաքացիներին խաբելու համար, մանավանդ, որ Ելքը այս հարցում միակը չէ: Օրինակ ֆինանսների նախարարն արդեն շուրջ մեկ շաբաթ լուրջ ուշադրություն է դարձնում սոցիալական խնդիրներին ու շատ հնարավոր է, որ այդ խնդիրները մինչեւ հունվարի 19-ը լուծվեն: Ելք-ն էլ Ազնավուրի հրապարակում հավաքված մարդկանց հրավիրի Մոսկվա կինոթատրոնՙ «Սուպեր-մամա-2» ֆիլմը դիտելու:

Իսկ մեզ մնում է հասկանալ, թե ինչո՞ւ է աշխարհում ամեն բան այսքան բարդ, ինչպես գիրքը ու Հայաստանում ինչո՞ւ է ամեն բան այսքան պարզ, որքան ֆիլմը:

 
 

«ԱԶԳ» ՕՐԱԹԵՐԹ #1, 12-01-2018


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.