ԱՎԵՏԻՔ ԳՐԻԳՈՐՅԱՆԸ ՄՈՏԵՑԱՎ ԱՌԱՋԱՏԱՐԻՆ Մոսկվայում ընթացող շախմատային փառատոնի 4-րդ տուրում հայ շախմատիստուհիներից միայն Լիլիթ Գալոյանն անհաջող հանդես եկավՙ պարտվելով Էլմիրա Միրզոեւային: Դա Լիլիթի անդրանիկ պարտությունն էր: Եվգենիա Դոլուխանովան հաղթեց Սաբինա Իբրահիմովային, Մարինե Գրիգորյանը պարտության մատնեց Վալենտինա Շակունին, իսկ Կարինա Համբարձումովան առավելության հասավ Եկատերինա Կինեւայի նկատմամբ: 4 տուրից հետո Համբարձումովան 3,5 միավորով առաջատարների խմբում է: 3-ական միավոր ունեն Գրիգորյանն ու Դոլուխանովան: Գալոյանը վաստակել է 2,5 միավոր: Մրցաշարի առաջատարներն են 4-ական միավոր վաստակած Նազի Պաիկիձեն եւ Դարիա Չարոչկինան: Ուսանող գրոսմայստերների մրցաշարում Ավետիք Գրիգորյանը 4-րդ տուրում հաղթեց Անդրեյ Ստուկոպինին ու 2,5 միավորով մոտեցավ առաջատարին: Աղյուսակը 3 միավորով գլխավորում է ամերիկացի Ռեյ Ռոբսոնը, որը հաշտություն կնքեց Դարիուշ Շվայցի հետ: 5-րդ տուրում Գրիգորյանը սեւերով կմրցի Մաքսիմ Մատլակովի հետ: | 
